
FDA Action: एकादशीच्या ४८ तास आधी पंढरपुरात एफडीएचा धाडसत्र! 'या' चार प्रसिद्ध आस्थापनांचे परवाने निलंबित
एफडीएच्या पथकाने काल दिवसभर पंढरपुरातील हॉटेल्स, मिठाईची दुकाने, फरसाण केंद्रे, खानावळी आणि प्रसाद विक्रेते अशा एकूण ५४ आस्थापनांची कसून पाहणी केली. या तपासणीदरम्यान उपवासाचे व प्रसादाचे पदार्थ असलेल्या भगर, बटाटा चिवडा, राजगिरा लाडू आणि इतर प्रसादाचे सुमारे २० नमुने अन्न विश्लेषणासाठी प्रयोगशाळेत पाठवण्यात आले आहेत.
तपासणीदरम्यान अन्नाची गुणवत्ता आणि स्वच्छतेबाबत गंभीर त्रुटी आढळून आल्याने प्रशासनाने कठोर पाऊल उचलले आहे. यामध्ये पॉप्युलर रेस्टॉरंट, श्री महावीर वेज, बेंगलोर अय्यंगार बेकरी आणि स्वागत एंटरप्राइजेस या चार आस्थापनांचे परवाने तात्काळ निलंबित करण्यात आले आहेत. वारीच्या काळात भाविकांच्या आरोग्याशी खेळ करणाऱ्यांची गय केली जाणार नाही, असा स्पष्ट इशारा प्रशासनाने दिला आहे.
एफडीएची २० विशेष पथके तैनात वारीच्या निमित्ताने पंढरपुरात लाखोंच्या संख्येने भाविक दाखल होतात. त्यांना शुद्ध आणि सुरक्षित अन्न मिळावे, यासाठी शहरात एफडीएची २० विशेष पथके कार्यरत राहणार असल्याची माहिती सहायक आयुक्त साहेबराव देसाई यांनी दिली आहे.
दरम्यान, कार्तिकी एकादशीचा सोहळा अवघ्या दोन दिवसांवर येऊन ठेपला असताना, ग्रामविकास मंत्री तथा सोलापूरचे पालकमंत्री जयकुमार गोरे यांच्या अध्यक्षतेखाली वारीच्या नियोजनाची अंतिम बैठक पार पडली. यावेळी बोलताना गोरे यांनी दुष्काळाच्या पार्श्वभूमीवर वारीच्या गर्दीवर मोठा परिणाम होण्याची शक्यता व्यक्त केली. शेतकरी आणि वारकऱ्यांना घराबाहेर पडताना जनावरांच्या चाऱ्याची आणि पाण्याची व्यवस्था करण्याचे मोठे आव्हान समोर असल्याने यंदा भाविकांच्या संख्येत घट होऊ शकते, अशी चिंता त्यांनी बोलून दाखवली.
Ans: गुणवत्ता व स्वच्छतेच्या त्रुटींमुळे पॉप्युलर रेस्टॉरंट, श्री महावीर वेज, बेंगलोर अय्यंगार बेकरी आणि स्वागत एंटरप्राइजेस या चार आस्थापनांचे परवाने निलंबित करण्यात आले आहेत.
Ans: एफडीएने ५४ आस्थापनांची तपासणी केली असून भगर, बटाटा चिवडा, राजगिरा लाडू आणि प्रसादाचे सुमारे २० नमुने प्रयोगशाळेत पाठवले आहेत. तसेच २० विशेष पथके तैनात केली आहेत.
Ans: दुष्काळाच्या पार्श्वभूमीवर जनावरांच्या चाऱ्याची आणि पाण्याची व्यवस्था करण्याचे आव्हान असल्याने यंदा वारीच्या गर्दीवर परिणाम होऊन भाविकांच्या संख्येत घट होऊ शकते, अशी शक्यता त्यांनी व्यक्त केली आहे.