सौजन्य फोटो - सोशल मिडीया
मिळालेल्या माहितीनुसार, अमूल्या डिप्लोमाच्या द्वितीय वर्षात शिक्षण घेत होती. शिक्षणात ती अत्यंत हुशार होती. मात्र, गेल्या काही दिवसांपासून रविकांत महादेव सुरवसे नावाचा तरुण तिला लग्नासाठी सतत तगादा लावत होता. फिर्यादीत नमूद केल्याप्रमाणे, रविकांत अमूल्याला ‘माझ्याशी लग्न कर, नाहीतर तुझे खासगी फोटो सोशल मीडियावर व्हायरल करेन,’ अशी धमकी देत होता.
रविकांतच्या या सततच्या ब्लॅकमेलिंगला आणि त्रासाला कंटाळून अमूल्या प्रचंड तणावात होती. या मानसिक त्रासातूनच तिने मंगळवारी रात्री राहत्या घरी गळफास घेऊन आत्महत्या केली. नातेवाईकांनी तिला तातडीने उपचारासाठी रुग्णालयात दाखल केले, मात्र डॉक्टरांनी तपासले असता तिला उपचारापूर्वीच मृत घोषित केले.
अमूल्याच्या या अकाली निधनामुळे भुरळे कुटुंबावर दुःखाचा डोंगर कोसळला आहे. तिच्या पश्चात आई-वडील, दोन भाऊ आणि एक बहीण असा परिवार आहे. याप्रकरणी मृत मुलीचे वडील मल्लिकार्जुन भुरळे यांनी सिव्हिल पोलीस चौकीत फिर्याद दिली असून, रविकांत सुरवसे याच्याविरोधात गंभीर आरोप केले आहेत. पोलिसांनी आरोपी रविकांत सुरवसे याच्याविरोधात गुन्हा दाखल केला असून, पुढील तपास सुरू आहे. या घटनेनंतर आरोपीला कठोर शिक्षा व्हावी, अशी मागणी स्थानिकांकडून केली जात आहे.






