धक्कादायक ! अल्पवयीन मुलीवर बलात्कार; पीडितेच्या आईला जीवे मारण्याची धमकी

एका 13 वर्षीय मुलीला आरोपी अक्षय याने 'तुला खाऊ देतो, तुला फिरायला घेऊन जातो', असे आमिष दाखवून दुचाकीवर बसवून मित्राच्या रूमवर घेऊन गेला. तेथे जबरदस्तीने मुलीवर अत्याचार केला. दरम्यान, अक्षय याने 'तू कोणासही काही सांगितले तर तुला आणि तुझ्या आईला जिवंत ठेवणार नाही', अशी धमकी देऊन पुन्हा घरी सोडले.

Follow Us:

Follow Us:

शिक्रापूर : रांजणगाव गणपती (ता.शिरुर) येथे एका 13 वर्षीय मुलीवर अत्याचार करण्यात आल्याचा धक्कादायक प्रकार समोर आला. तसेच आरोपीने मुलीसह तिच्या आईलाही जीवे मारण्याची धमकी दिली. याप्रकरणी रांजणगाव एमआयडीसी पोलीस स्टेशन येथे गुन्हा दाखल करून अटकही करण्यात आली.

अक्षय फुलचंद सोनके असे अटकेतील आरोपीचे नाव आहे. रांजणगाव गणपती (ता.शिरुर) येथे एका 13 वर्षीय मुलीला आरोपी अक्षय याने ‘तुला खाऊ देतो, तुला फिरायला घेऊन जातो’, असे आमिष दाखवून दुचाकीवर बसवून मित्राच्या रूमवर घेऊन गेला. तेथे जबरदस्तीने मुलीवर अत्याचार केला. दरम्यान, अक्षय याने ‘तू कोणासही काही सांगितले तर तुला आणि तुझ्या आईला जिवंत ठेवणार नाही’, अशी धमकी देऊन पुन्हा घरी सोडले. त्यानंतर मुलगी रडत असल्याने बालिकेच्या आईने बालिकेशी चर्चा केली असता बालिकेने घडलेला प्रकार आपल्या आईला सांगितला.

याबाबत पीडित बालिकेच्या आईने रांजणगाव एमआयडीसी पोलीस स्टेशन येथे फिर्याद दिल्याने पोलिसांनी अक्षत फुलचंद सोनके (वय 22, रा. रांजणगाव गणपती ता. शिरुर जि. पुणे मूळ रा. बनसारोळा ता. केज जि. बीड) याच्याविरुद्ध गुन्हा दाखल करत त्याला अटक केली.

गुन्हेगारी घटनांमध्ये होतीये सातत्याने वाढ

राज्यात गुन्हेगारी घटनांमध्ये सातत्याने वाढ होताना दिसत आहे. त्यात खून, खुनाचा प्रयत्न, दरोडा यांसारख्या घटना तर घडत आहेत. याशिवाय, महिलांवरील अत्याचाराच्या घटनेत लक्षणीय वाढ होत असल्याचे म्हटले जात आहे. असे असताना आता शिरूर तालुक्यात अल्पवयीन मुलीवर बलात्कार करण्यात आल्याचा धक्कादायक प्रकार समोर आला आहे.

Web Title: Physical harassment of minor girl incident in shirur nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com