Pune Crime: किरकोळ वादातून भीषण हत्या; कामगाराला मजल्यावरून ढकलून 26 वर्षीय तरुणाचा मृत्यू

पिंपरी चिंचवडमध्ये बांधकाम साइटवर दोन कामगारांमध्ये झालेल्या वादातून एका कामगाराला वरून ढकलण्यात आले. 26 वर्षीय केशव महतो यांचा जागीच मृत्यू झाला. पोलिसांनी गुन्हा दाखल करून आरोपीचा शोध सुरू केला आहे.

• बांधकाम साइटवर कामगारांमध्ये वाद
• रागाच्या भरात मजल्यावरून ढकलले
• 26 वर्षीय कामगाराचा मृत्यू; तपास सुरू

पुणे: पुण्यातून एक धक्कादायक घटना समोर आली आहे. पिंपरी चिंचवड शहरातील वाल्हेकर वाडी परिसरात एका बांधकाम साईटवर दोन कामगारांमध्ये झालेल्या किरकोळ वादाचे रूपांतर भीषण हत्येत झाल्याची धक्कादायक घटना उघडकीस आली आहे. यात एका कामगाराचा दुर्दैवी मृत्यू झाल्याचे समोर आले आहे.

काय घडलं नेमकं?

केशव कुमार महतो असे मृत्यू झालेल्या व्यक्तीचे नाव आहे. मिळालेल्या माहितीनुसार, पिंपरी चिंचवड पोलीस ठाण्याच्या हद्दीत एका इमारतीचे बांधकाम सुरु आहे. या ठिकाणी केशव आणि अन्य एक कामगार सोबत काम करत होते. कामाच्या ठिकाणीच दोघांमध्ये कोणत्यातरी कारणावरून बाचाबाची झाली. हा वाद इतका विकोपाला गेला की, आरोपी कामगाराने संतापाच्या भरात केशवला तिसऱ्या मजल्यावरून थेट खाली ढकलून दिले. इमारतीवरून खाली कोसळल्यामुळे गंभीर इजा होऊन केशवचा जागीच मृत्यू झाला.

Uttar Pradesh Crime: आनंदाच्या रात्रीनंतर गूढ मृत्यू; दीर-वहिनीचे मृतदेह सापडल्याने गाव हादरले

तपास सुरु

या घटनेची माहिती मिळताच चिंचवड पोलिसांनी घटनास्थळी धाव घेत मृतदेह ताब्यात घेतला आहे. पोलिसांनी केशवचा मृतदेह शवविच्छेदनासाठी पाठवला आहे. आरोपीचा शोध घेतला जात आहे. किरकोळ वादातून तरुणाचा असा दुर्दैवी अंत झाल्याने बांधकाम मजुरांमध्ये भीतीचे आणि संतापाचे वातावरण आहे.

नोकरी गेल्याचा ताण! गजबजलेल्या एफसी रोडवर व्यक्तीने गळ्यावर ब्लेडने केला वार; काय घडलं नेमकं?

पुण्यातून एक धक्कादायक घटना समोर आली आहे. गजबजलेल्या फर्ग्युसन कॉलेज (एफसी) रोडवरील खाऊ गल्लीत शनिवारी रात्री एक व्यक्तीने आत्महत्या करण्याचा प्रयत्न केला. नोकरी गेल्याच्या नैराश्यातून ४१ वर्षीय आदीत्य सातपुते यांनी स्वतःच्या गळ्यावर ब्लेडने वार केल्याचे समोर आले आहे. ही घटना रात्री सुमारे 9.15 वाजण्याच्या सुमारास घडली. वेळीच मदत मिळाल्याने त्यांना तातडीने रुग्णालयात दाखल करण्यात आले. आता त्यांच्यावर उपचार सुरु आहे. या घटनेने परिसरात खळबळ उडाली आहे.

चार लाखांची लाच घेताना वनक्षेत्र सर्व्हेक्षकाला रंगेहात पकडले; पुणे ACB ची मोठी कारवाई