उत्सवानंतर दीर-वहिनीचे संशयास्पद मृत्यू
झऱ्याजवळ मृतदेह आढळल्याने खळबळ
पोलिसांकडून सर्व बाजूंनी तपास सुरू
उत्तरप्रदेश: उत्तरप्रदेश येथून एक धक्कादायक घटना समोर आली आहे. एकाच कुटुंबातील दोन सदस्यांच्या मृत्यूमुळे संपूर्ण परिसर हादरलं आहे. १८ वर्षांचा अखिलेश आणि त्याची वहिनी सोहिनी हे दोघे काही तासांपूर्वी घरात चाललेल्या उत्सवात आनंदाने सहभागी झाले होते. रात्रीच्या वेळी डीजेच्या तालावर मनसोक्त दीर आणि वाहिनी नाचले होते आणि दुसऱ्याच दिवशी सकाळी संशयास्पद आढळले. या घटनेने सर्वांनाच मोठा धक्का बसला. या घटनेमुळे आनंदाचे वातावरण असलेल्या घरात आता केवळ शोककळा पसरली आहे.
काय घडलं नेमकं?
उत्तर प्रदेशातील मैनपुरी जिल्ह्यातील नगला बखतपुर गावातून हा प्रकार समोर आला आहे. स्थानिक नागरिक आणि नातेवाईकांनी दिलेल्या माहितीनुसार, घटनेच्या आदल्या रात्री घरात अतिशय आनंदाचे आणि उत्साहाचे वातावरण होते. घरातील सर्व सदस्य मंदिरात झेंडा अर्पण करण्यासाठी गेले होते आणि तिथून परतल्यानंतर रात्री उशिरापर्यंत डीजे वाजत होता. १८ वर्षीय अखिलेश आणि त्याची वहिनी सोहिनी (जिचा पती बिकानेरमध्ये कामाला आहे) हे इतर नातेवाईकांसोबत नाचताना आणि गाताना दिसले होते. मात्र दुसऱ्याच दिवशी सकाळी गावकऱ्यांना घरापासून सुमारे ३०० मीटर अंतरावर एका झऱ्यापाशी दोघांचे मृतदेह आढळून आले.
ब्युटी पार्लरच्या बहाण्याने वारंवार अत्याचार, पतीसोबत पत्नी-भावाचाही सहभाग; भयंकर प्रकार उघड
ही बातमी समजताच घटनास्थळी मोठी गर्दी जमली आणि तात्काळ पोलिसांना पाचारण करण्यात आले. पोलिसांनी घटनास्थळी पाहणी केली असून तिथून काही महत्वाचे पुरावे गोळा केले आहेत. आनंदात असलेल्या कुटुंबावर अचानक ओढवलेल्या या संकटामुळे परिसरात भीतीचे आणि संशयाचे वातावरण निर्माण झाले आहे. या घटनेने केवळ कुटुंबच नाही, तर संपूर्ण गाव हादरून गेले असून पोलीस आता या प्रकरणाची तपास करत आहे.
पोलिसांनी दोघांचे मृतदेह शवविच्छेदनासाठी पाठवले आहेत. शवविच्छेदन अहवाल आल्यानंतरच या दोघांचा मृत्यू विष प्राशनाने झाला, गळा आवळल्याने झाला की अन्य काही कारणाने, हे स्पष्ट होऊ शकेल. पोलीस विविध शक्यतांची पडताळणी करत आहे.
Ans: घरापासून सुमारे 300 मीटर अंतरावर झऱ्याजवळ सापडले.
Ans: प्रेमप्रकरण, कौटुंबिक वाद किंवा इतर कारणांची शक्यता तपासली जात आहे.
Ans: पोस्टमॉर्टम अहवाल आणि कॉल डिटेल्सच्या आधारे सत्य स्पष्ट होईल.
