Pune crime: जामखेड गोळीबार प्रकरणात मोठी अपडेट; पैलवान सागर मोहोळकरचा उपचारादरम्यान मृत्यू

अहिल्यानगरच्या जामखेडमध्ये 9 मार्च रोजी झालेल्या गोळीबारात गंभीर जखमी झालेल्या पैलवान सागर मोहोळकरचा पुण्यातील ससून रुग्णालयात उपचारादरम्यान मृत्यू झाला. या प्रकरणात दोन आरोपींना पोलिसांनी ताब्यात घेतले

• जामखेडमध्ये 9 मार्च रोजी पैलवान सागर मोहोळकरवर जवळून गोळीबार करण्यात आला होता.
• गंभीर जखमी मोहोळकरचा पुण्यातील ससून रुग्णालयात उपचारादरम्यान मृत्यू झाला.
• या प्रकरणात दोन आरोपींना पोलिसांनी ताब्यात घेतले असून निलेश घायवळ कनेक्शनची चौकशी सुरू आहे.

पुणे: अहिल्यानगर येथील जामखेडमध्ये पैलवान सागर मोहोळकरवर गोळीबाराची घटना घडली होती. एकूण सहा गोळ्या त्याला लागल्या होत्या. त्यातून एक गोळी थेट त्याच्या तोंडातही लागल्याची माहिती आहे. त्याच्यावर उपचार पुण्यातील ससून रुग्णालयात सुरु होता. आता या प्रकरणी पुण्यातून एक मोठी बातमी समोर आली आहे. गोळीबार झालेला पैलवान सागर मोहोळकर याचा उपचारादरम्यान रुग्णालयात मृत्यू झाल्याचे समोर आले आहे.

इन्स्टाग्रामवर ओळख झाली अन् नंतर वारंवार अत्याचार केले; घरात कोणी नसताना आला अन्…

अहिल्यानगरच्या जामखेडमध्ये पैलवान सागर मोहोळकर याच्यावर गोळीबार झाल्याची घटना ९ मार्च रोजी घडली होती. त्याच्या तोंडातही गोळी लागल्याची माहिती होती. त्याच्यावर जवळून गोळीबार करण्यात आला होता. त्याच्या शरीरात सहा गोळ्या लागल्या होत्या. गुंड मोहोळकर याच्यावर पुण्यातील ससून रुग्णालयात उपचार सुरू होते. मात्र चार गोळ्या शरीरातून बाहेर काढण्यात वैद्यकीय अडचणी येत असल्याची माहिती आहे. आता उपचार सुरु असतांना रुग्णालयात त्याचा मृत्यू झाला.

पुण्यातून एकाला अटक

सागर मोहोळकर याच्यावर गोळीबार करणाऱ्यापैकी अहिल्यानगरच्या स्थानिक गुन्हे शाखेने एकाला ताब्यात घेतले आहे. आरोपी हा पुण्याचा रहिवासी असून पोलीस त्याची कसून चौकशी करत आहे. यामध्ये गोळीबार करणाऱ्या पुणे येथील चार्ली उर्फ माऊली उर्फ ज्ञानेश्वर साठे, रोहित विठ्ठल आखाडे, चिन्या (पूर्ण नाव माहित नाही) या आरोपींनी गोळीबार केल्याची माहिती असून यामध्ये दोन आरोपींना पोलिसांनी ताब्यात घेतलं आहे. गुंड निलेश घायवळ कनेक्शनचाही तपास होणार असल्याचे सांगण्यात आले आहे.

पैलवान मोहोळकर चर्चेत कसा आला?

सागर मोहोळकर याने कुख्यात गुंड निलेश घायवळ याच्या कानाखाली मारली होती. ही घटना धाराशिव जिल्ह्यातील भूम तालुक्यात एका जत्रेदरम्यान घडली होती. तेव्हापासून सागर मोहोळकर हा चांगलाच चर्चेत आला होता. तसेच त्याच्यावर अनेक गंभीर गुन्हे दाखल असून त्यानुसार नगरच्या स्थानिक गुन्हे शाखेने तपास सुरू केला होता.

Mumbai Crime: वादातून संताप अन् टोकाचं पाऊल… पत्नीला धावत्या लोकलसमोर ढकलून हत्या; आरोपी सुरत मधून अटकेत