Pune Crime: “तुझा मुलगा आमच्या ताब्यात आहे…” आईला फोन; प्रेमप्रकरणातून तरुणाची बेदम मारहाणीत हत्या

पुण्यातील कोथरूडमध्ये प्रेमप्रकरणातून 23 वर्षीय तरुणाची निर्घृण हत्या झाल्याची धक्कादायक घटना समोर आली. मुलीने फोन करून बोलावल्याचा आरोप असून तिच्या कुटुंबीयांनी बेदम मारहाण केल्याने तरुणाचा मृत्यू झाला.

• कोथरूडमध्ये प्रेमप्रकरणातून 23 वर्षीय तरुणाची हत्या.
• मुलीने फोन करून बोलावल्याचा आरोप; कुटुंबीयांची बेदम मारहाण.
• पोलिसांनी मुलीच्या नातेवाईकांसह 10 हून अधिक जणांवर गुन्हा दाखल.

पुणे: पुणे येथून एक धक्कादायक घटना समोर आली आहे. एका २३ वर्षीय तरुणाची प्रेमप्रकरणातून निर्घृण हत्या करण्यात आल्याची घटना समोर आली आहे. नागेश संजय जाधव (वय २३, रा. शिवाजीनगर) असे हत्या झालेल्या तरुणाचे नाव आहे. आरोपींनी नागेच्या आईला धमकी सुद्धा दिल्याचे समोर आले आहे. ही घटना पुण्यातील कोथरूड भागात घडली आहे. पोलिसांनी मुलीच्या नातेवाईकांसह अनेक जणांविरुद्ध हत्येचा गुन्हा दाखल करण्यात आला आहे.

काय घडलं नेमकं?

घड्लेली घटना १४ मार्च २०२६ रोजी रात्री घडली. नागेशचे कोथरूड परिसरातील एका मुलीशी मैत्रीचे नाते होते. शनिवारी सायंकाळी ७:१५ च्या सुमारास नागेशला एकाचा फोन आला आणि तो घराबाहेर पडला. रात्री ८:०३ वाजता आरोपींनी नागेशच्या आईला त्याच्याच मोबाईलवरून फोन केला. फोनवर आरोपीने शिवीगाळ करत म्हंटले की, तुझा मुलगा नागेश आमच्या ताब्यात आहे, आम्ही त्याला मारले आहे. “१० मिनिटात येथे येऊन त्याला घेऊन जा, नाहीतर त्याला खाली टाकून देऊ असे म्हंटले.”
Beed Crime: बीडमध्ये संतापजनक प्रकार! 1 हजार रुपये थकीत म्हणून विद्यार्थ्याला अमानुष मारहाण; वसतीगृह चालकावर गुन्हा

फोन ठेवताच नागेशची आई आणि नातेवाईकांनी तात्काळ कोथरूडमधील मेगासिटी येथे धाव घेतली. तिथे नागेश छतावर विवस्त्र अवस्थेत रक्ताच्या थारोळ्यात पडला होता. काही महिला आणि पुरुष त्याला लाकडी दांडके, लाथा-बुक्क्यांनी मारहाण करत होते. कसे तसे नागेशला त्यांच्या तावडीतून सोडवले आणि नातेवाईकांनी त्याला तातडीने आधी रत्ना हॉस्पिटल आणि नंतर ससून हॉस्पिटलमध्ये नेले, मात्र उपचारादरम्यान डॉक्टरांनी त्याला मृत घोषित केले. मृत्यूपूर्वी नागेशने आपल्या आईला सांगितले की, त्याला मुलीने फोन करून बोलावले होते आणि तिथे गेल्यावर तिच्या कुटुंबीयांनी त्याला बेदम मारहाण केली.

गुन्हा दाखल

नागेशच्या आईने या प्रकरणी तक्रार दाखल केली असून गुन्हा दाखल करण्यात आला आहे. मुलीची आई, वडील, तसेच चुलत्या आणि इतर नातेवाईक यांच्यासह १० हुन अधिक जणांविरुद्ध गुन्हा दाखल केला आहे. या सर्वांनी संगनमत करून नागेशची हत्या केल्याचा प्राथमिक निष्कर्ष पोलिसांनी काढला आहे. आरोपींना कठोर शासन करण्याची मागणी नातेवाईकांनी केली आहे. कोथरूड पोलीस या प्रकरणाचा अधिक तपास करत असून आरोपींच्या मुसक्या आवळण्यासाठी पथके तैनात करण्यात आली आहेत.

गॅस सिलिंडरच्या काळ्याबाजाराचा पर्दाफाश; बीडमध्ये तब्बल 73 हजारांच्या टाक्या पकडल्या