Bus Driver Attacked : "हाता पाया पडूनही गुंड थांबले नाहीत!" चाकणमध्ये भररस्त्यात एसटी बस अडवून चालकाला बेदम मारहाण अन्...
मिळालेल्या माहितीनुसार, पुण्याहून नाशिकच्या दिशेने जाणारी एसटी बस अनेक प्रवाशांना घेऊन चाकण परिसरातून जात होती. याच दरम्यान, दोन तरुणांनी आपल्या दुचाकीने भररस्त्यात बसचा मार्ग अडवून ती थांबवण्यास भाग पाडले. गाडी थांबताच हे दोन्ही तरुण तणतणत बसमध्ये घुसले आणि चालकाशी क्षुल्लक कारणावरून हुज्जत घालू लागले.
वाद वाढताच दोन्ही तरुणांनी प्रवाशांच्या देखत बसचालकाला थेट हाताबुक्क्यांनी मारहाण करण्यास सुरुवात केली. चालत्या बसमधील प्रवाशांसमोर घडणारा हा भयंकर प्रकार पाहून बसमधील महिला आणि नागरिक पुरते हादरून गेले.
चालकाला होणारी निर्घृण मारहाण पाहून बसमधील प्रवाशांनी पुढे होऊन त्या तरुणांना थांबवण्याचा प्रयत्न केला. अनेक प्रवाशांनी हात जोडून मारहाण करणाऱ्या तरुणांकडे विनवणी आणि गयावया केली. मात्र, डोक्यात संताप गेलेल्या त्या गुंडांनी प्रवाशांच्या विनंतीकडे पूर्णपणे दुर्लक्ष करत चालकाला तुडवणे सुरूच ठेवले.
भरदिवसा आणि गजबजलेल्या महामार्गावर घडलेल्या या प्रकारामुळे चाकण परिसरातील कायदा आणि सुव्यवस्थेचा पुरता बोजवारा उडाल्याचे विदारक चित्र पाहायला मिळाले. ऐन प्रवासात चालकावर झालेल्या या भ्याड हल्ल्यामुळे एसटी कर्मचाऱ्यांच्या आणि प्रवाशांच्या सुरक्षेचा प्रश्न पुन्हा एकदा अत्यंत गंभीर बनला आहे. या गुंड प्रवृत्तीच्या तरुणांवर चाकण पोलिसांनी तातडीने कठोर कारवाई करावी, अशी तीव्र मागणी आता नागरिक व कर्मचाऱ्यांकडून केली जात आहे.
Ans: हा धक्कादायक प्रकार चाकण परिसरात घडला.
Ans: दोन दुचाकीस्वारांनी बस अडवून चालकाशी हुज्जत घातली आणि प्रवाशांच्या देखत त्याला बेदम मारहाण केली.
Ans: प्रवाशांनी गुंडांना हात जोडून मारहाण थांबवण्याची विनवणी केली, मात्र आरोपींनी चालकाला मारहाण सुरूच ठेवली.
.png "Videos"){kind=small}
