Punjab Crime: व्यापाऱ्याचा खून! कारमध्ये अर्धवट जळालेला मृतदेह; घरकाम करणारीच ठरली कटामागे

पंजाबमधील नवांशहरमध्ये व्यापारी रवी सोबती यांचा खून करून मृतदेह कारमध्ये जाळण्यात आला. तपासात घरकाम करणारी सोनम आणि तिचा दाजी कटामागे असल्याचं उघड झालं असून पोलिसांनी आरोपींना अटक केली आहे.

• व्यापारी रवी सोबती यांचा ब्लाइंड मर्डर; कारमध्ये अर्धवट जळालेला मृतदेह आढळला
• घरकाम करणारी सोनम आणि तिचा दाजी सुरजीत सिंग हत्येच्या कटामागे
• पुरावे नष्ट करण्यासाठी कार पेटवून अपघाताचा बनाव करण्याचा प्रयत्न

पंजाब: पंजाबमधून एक धक्कदायक घटना समोर आली आहे. एका व्यापाऱ्याची हत्या करण्यात आल्याचे समोर आले आहे. एवढेच नाही तर पुरावा नष्ठ करण्यासाठी पेट्रोल टाकून त्यांची गाडी देखील जाळण्यात आली. या घटनेमागील धक्कादायक बाब म्हणजे, या काटामागील सूत्रधार घरकाम करणारी मोलकरीण आणि तिचा दाजी असल्याचे समोर आलं आहे. ही घटना पंजाबमधील नवांशहर (शहीद भगतसिंग नगर) येथे घडली आहे. मृतकाचे नाव रवी सोबती असे आहे. ते नवांशहर चेंबर ऑफ कॉमर्सचे व्हाइस प्रेसिडेंट आणि किराणा दुकानदार होते. तर आरोपी मोलकरणीचे नाव सोनम आणि तिच्या दाजीचे नाव सुरजीत सिंग उर्फ जस्सी असे आहे.

Pune Crime : पुण्यात किरकोळ वादातून दोघांवर खुनी हल्ला; नेमकं काय घडलं?

काय घडलं नेमकं?

१२ डिसेंबर २०२५ रोजी मृतक रवी सोबती हा घरी परतला नाही. रात्री ९ वाजताच्या दरम्यान मुलगा सुमित सोबती याने नवांशहरमधील शहर पोलीस ठाण्यात वडील बेपत्ता असल्याची तक्रार दिली. तक्रारीनंतर, पोलिसांनी तात्काळ रवी सोबतीच्या शोधला लागले. पोलिसांनी आधी त्याचा मोबाईल फोनचं लोकेशन शोधलं. बलाचौर येथे त्याचा शेवटचा लोकेशन आढळलं. पोलीस अधिकाऱ्यांनी तातडीने बलाचौर पोलिसांशी संपर्क साधला आणि घटनास्थळी एक पथक पाठवलं. तर पोलिसांना तेथील दृश्य पाहून धक्का बसला. तिथे रवी सोबतीचा अर्धवट जळालेला मृतदेह त्याच्या गाडीत आढळला. मुलाच्या जबाबावरून त्या रात्री पोलीस स्टेशनमध्ये हत्येचा गुन्हा दाखल करण्यात आला असून पोलीस पुढील तपासाला लागले.

सर्वात आधी अनेक पथके तयार करण्यात आली. टेक्निकल, वैज्ञानिक आणि ह्यूमन इंटेलिजन्सच्या आधारे तपास करण्यात आला आणि दुसऱ्या दिवशी पोलिसांनी चार आरोपींना अटक केली. एवढेच नाही तर तपासादरम्यान, गुन्ह्यात वापरलेली मोटारसायकल देखील जप्त करण्यात आली. आरोपी रवी सोबतीचा घरी काम करणारी मोलकरीण आणि तिचा दाजी निघाला.

कसा रचला कट?

रवी सोबतीच्या घरी काम करणारी सोनमवर मृतक रवी तिच्यावर लैंगिक अत्याचार करत असल्याचं आपल्या दाजीला सांगितलं. घटनेच्या दोन दिवसांपूर्वी, सुरजीत सिंगने रवी सोबतीला याबाबत जाब विचारला आणि त्यामुळे त्यांच्यात भांडण झालं. रवीने त्याचं घर सोडून देण्याची धमकी दिली आणि त्यानंतर शिवीगाळ सुद्धा केली. याच वादातून संतापलेल्या सूरजीत सिंगने रवीच्या हत्येचा कट रचला असे तपासात समोर आले.

कशी केली हत्या?

आरोपी सुरजितने सोनमला दुपारी घरी परतण्यास सांगितले. संध्याकाळी रवी सोबती तिला सोबत नेण्यासाठी आल्यानंतर त्याला रेल्वे क्रॉसिंग 3 जवळील अंडरपासजवळील एका निर्जन भागात नेण्यात येईल, अशी योजना आखण्यात आली. योजनेनुसार, त्याच्या साथीदारांच्या मदतीने रवी सोबतीची हत्या करण्यात आली. त्यानंतर मृतदेह बलाचौर येथे नेण्यात आला आणि हत्येचा संशय टाळण्याच्या दृष्टीने अपघात दाखवण्यासाठी पीडित रवीच्या गाडीवर पेट्रोल ओतून ती जाळून टाकण्यात आली अशी माहिती पोलिसांनी दिली. पोलिसांनी आरोपींनाला अटक केली असून त्यांची तुरुंगात रवानगी करण्यात आली आहे.

Satana Crime: बनावट ५०० रुपयांच्या नोटांचा सुळसुळाट, सटाण्यात ३० हजार रुपयांहून अधिक नोटा जप्त