चिपळूण: खेड तालुक्यातील औद्योगिक वसाहतीमध्ये विजय केमिकल कंपनीच्या परिसरात स्थानिकांना रोजगार मिळावा यासाठी चर्चासत्र आयोजित करण्यात आले होते. या चर्चासत्राला गेलेल्या शिवसेना युवासेना उपजिल्हाप्रमुख सचिन काते यांना मारहाण करण्यात आली. या प्रकरणी विक्रांत भास्कर जाधव व अन्य दोन जणांसह काही अनोळखी व्यक्तींवर खेड पोलीस ठाण्यात गुन्हा दाखल करण्यात आला आहे. यामध्ये विक्रांत जाधव गुहागर विधानसभा मतदारसंघाचे आमदार भास्कर जाधव यांचा मुलगा तसेच माजी जिल्हा परिषद अध्यक्ष आहे.
पोलिसांकडून मिळालेल्या माहितीनुसार, फिर्यादी सचिन सुधीर काते हे लोटे एमआयडीसी परिसरात गेली दहा वर्षे विविध कंपन्यांना मजूर पुरवण्याचे काम करतात. तसंच 2021 पासून लोटे ग्रामपंचायतीचे सदस्य म्हणून कार्यरत आहेत. दिनांक 06 नोव्हेंबर 2025 रोजी दुपारी साधारण 1 ते 1.30 वाजण्याच्या सुमारास स्थानिक रहिवासी सचिन कालेकर व रोहन कालेकर यांनी त्यांना विजय केमिकलचे मॅनेजर अनंत महाडीक यांनी कामाबाबत बोलावले असल्याची माहिती दिली. त्यानुसार फिर्यादी व अन्य दोन असे तिघेही कंपनीच्या गेटवर पोहोचले. प्रारंभी मॅनेजर महाडीक यांनी वरिष्ठांशी चर्चा करून कळवू असे सांगितले.
काही वेळानंतर त्यांनी तिघांना कंपनीच्या आत चर्चेसाठी बोलावले. कंपनीच्या आत प्रवेश केल्यावर तेथे विक्रांत भास्कर जाधव, सुमित शिंदे, विवेक आंब्रे तसेच सुमारे 7 ते 8 अनोळखी कामगार उपस्थित होते. स्थानिकांना रोजगार देण्याच्या मागणीवरून वाद निर्माण झाला. या वादाच्या दरम्यान विक्रांत जाधव यांनी ‘तुम्ही स्थानिक म्हणजे काय?’ असे म्हणत भांडणाला सुरुवात केलयाच दरम्यान विक्रांत जाधव यांनी फिर्यादी सचिन काते यांना हाताने मारहाण केली. तसेच जीव घेण्याची धमकी दिली. त्यावेळी सोबत असणाऱ्या सुमित शिंदे, विवेक आंब्रे व अन्य काही कामगारांनीही बेकायदेशीर जमाव जमवून शिवसेनेचे उपजिल्हाप्रमुख सचिन खाते यांच्या अंगावर धावून जात मारहाण करण्याचा प्रयत्न केला.
या घटनेबाबत स्थानिक ठेकेदार व शिवसेना युवा सेना जिल्हाप्रमुख सचिन काते यांनी खेड पोलीस स्थानकात धाव घेऊन घडलेल्या घटनेची माहिती दिली. त्यानुसार खेड पोलिसांनी आमदार भास्कर जाधव यांची चिरंजीव व रत्नागिरी जिल्हा परिषदेचे माजी अध्यक्ष, उद्धव बाळासाहेब ठाकरे पक्षाचे उत्तर रत्नागिरी जिल्हाध्यक्ष विकांत भास्कर जाधव, सुमित शिंदे, विवेक आधे यांच्या सात ते आठ जणांवर भारतीय न्याय संहिता 2023 मधील कलम 189 (1), 189(2), 190, 191(2), 115(2), 352, 351 (3) अंतर्गत गुन्हा दाखल करण्यात आला आहे.या संदर्भात खेडचे पोलीस निरीक्षक विवेक अहिरे यांच्या मार्गदर्शनानुसार पुढील तपास सुरू आहे.
.png "Videos"){kind=small}
