Pune News: गर्भवती महिलेच्या मृत्यूप्रकरणात मंगेशकर रूग्णालयासह डॉ. घैसासांवर ठपका? काय आहे ससूनचा अहवाल?

Deenanath Mangeshkar Hospital: पुण्यातील दीनानाथ मंगेशकर रूग्णालयात एका गर्भवती महिलेचा उपचार न मिळाल्याने मृत्यू झाला होता. या प्रकरणी राज्यभरातून संताप व्यक्त होत आहे.

मंगेशकर रूग्णालय प्रकरणात ससूनचा अहवाल सादर (फोटो- सोशल मिडिया)

Follow Us:

Follow Us:

पुणे: दीनानाथ मंगेशकर रूग्णालयात तनिशा भिसे या गर्भवती महिलेचा उपचार न् मिळाल्याने मृत्यू झाला होता. या प्रकरणी राज्य सरकारकडून संताप व्यक्त केला जात आहे. राज्य सरकारने हे प्रकरण गंभीरतेने घेतले आहे. या प्रकरणात डॉक्टर सुश्रुत घैसास यांनी आल्या पदाचा राजीनामा दिला आहे. तसेच ससून रूग्णालयाने आज या प्रकरणातील 6 पानी अहवाल पुणे पोलिसांकडे सादर केला आहे.

ससून रूग्णालयाच्या वैद्यकीय समितीने मंगेशकर रूग्णालय घटनेतील 6 पानांचा अहवाल सादर केला आहे. या अहवालात समितीने दीनानाथ मंगेशकर रूग्णालय आणि डॉक्टर सुश्रुत घैसास यांच्यावर ठपका ठेवण्यात आला नसल्याचे समोर येत आहे. अहवाल सादर झाल्यानंतर पुणे पोलिसांनी ससून रूग्णालयाकडे चार गोष्टींबाबत अभिप्राय मागितला आहे.

पुण्यातील तनिषा भिसे यांच्या मृत्यू प्रकरणी ससून हॉस्पिटलचा अहवाल वैद्यकीय शिक्षण सचिवांना सादर केला गेला आहे. मंगेशकर रूग्णालयात वैद्यकीय हलगर्जीपणा झाला का याचा तपास करण्यात आला. याआधी तीन समित्यांचे अहवाल सादर करण्यात आला आहे. त्यामध्ये दोन अहवालात मंगेशकर रूग्णालयावर ठपका ठेवण्यात आला आहे.

डॉक्टर सुश्रुत घैसास यांना पोलिस संरक्षण

दिनानाथ मंगेशकर रुग्णालयातील घटनेचा ससून रुग्णालयाच्या उच्च स्तरीय समितीचा अहवाल प्राप्त होईल. त्यात कोणी दोषी असेल तर कारवाई केली जाणार आहे, असे राज्य महिला आयोगाच्या अध्यक्षा रुपाली चाकणकर यांनी म्हटले आहे. दरम्यान या प्रकरणात एक नवीन माहिती समोर येत आहे. या प्रकरणात डॉक्टर सुश्रुत घैसास यांच्यावर आरोप होत आहेत. दरम्यान डॉक्टर घैसास यांनी पोलिसांकडे सुरक्षेची मागणी केली होती.

Pune News: दीनानाथ मंगेशकर रूग्णालय प्रकरणात मोठी अपडेट; डॉ. घैसासांची ‘ही’ मागणी पोलिसांकडून मान्य

पुण्यातील दीनानाथ मंगेशकर रूग्णालयात एका गर्भवती महिलेचा उपचार न मिळाल्याने मृत्यू झाला होता. या प्रकरणी राज्यभरातून संताप व्यक्त होत आहे. दरम्यान या प्रकरणात डॉक्टर सुश्रुत घैसास यांनी आपल्या पदाचा राजीनामा दिला आहे. त्यानंतर डॉक्टर घैसास यांनी पोलिसांकडे सुरक्षेची मागणी केली आहे. आपल्या जीवाला धोका असल्याने डॉक्टर सुश्रुत घैसास यांनी पुणे पोलिसांकडे सुरक्षेची मागणी केली आहे. दरम्यान पोलिसांनी ही मागणी मान्य केली आहे. पुणे पोलिसांनी एक कर्मचारी डॉक्टर घैसास यांच्या सुरक्षेसाठी नियुक्त केला आहे.

मंगेशकर रूग्णालयाच्या अडचणी वाढणार?

दिनानाथ मंगेशकर रुग्णालयातील घटनेचा ससून रुग्णालयाच्या उच्च स्तरीय समितीचा अहवाल प्राप्त होईल. त्यात कोणी दोषी असेल तर कारवाई केली जाणार आहे, असे राज्य महिला आयोगाच्या अध्यक्षा रुपाली चाकणकर यांनी म्हटले आहे. पुण्यात पत्रकारांशी त्या बोलत होत्या. तनिषा भिसे मृत्यू प्रकरणी दीनानाथ मंगेशकर रुग्णालयावर आरोप केले जात आहेत. या प्रकरणात दोन चौकशी अहवाल प्राप्त झाले आहेत.

Web Title: Sasoon hospital submit report to pune police about tanisha bhise death dr ghaisas and mangeshkar hospital case

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com