crime (फोटो सौजन्य: social media )
पुणे: पुण्याच्या पिंपरी- चिंचवड येथून एक संतापजनक प्रकार समोर आला आहे. मॉलमध्ये कार्यरत असलेल्या महिला सुरक्षा रक्षकावर तिच्याच वरिष्ठ अधिकाऱ्याने लैंगिक अत्याचार केल्याचं समोर आलं आहे. आरोपींविरुद्ध पोलीस ठाण्यात गुन्हा दाखल करण्यात आला असून पोलीस तपास करत आहे. ही घटना वाकड परिसरातील मिलेनियम मॉलमध्ये घडली आहे.
कोट्यवधींच्या जमीन घोटाळ्यातील आरोपीची आत्महत्या; गळफास घेऊन संपवलं जीवन
काय घडलं नेमकं?
मिळालेल्या माहितीनुसार, पीडित महिला आणि तिचा पती हे खाजगी कंपनीमध्ये सुरक्षा रक्षक म्हणून कार्यरत होते. हे दोघेही वाकड येथील मिलेनियम मॉलमध्ये सुरक्षा कर्तव्य बजावात होते. याच कंपनीत वरिष्ठ पदावर कार्यरत असलेल्या मनोज धोंडीराम कदम (वय 45) याने ड्युटीदरम्यान पीडित महिलेला तिसऱ्या मजल्यावरील एका बंद खोलीत नेले. तेथे आरोपीने महिलेला “तुला कोणती पोस्टिंग हवी?” अशी विचारणा केली. यानंतर तिच्या इच्छेविरुद्ध अश्लील वर्तन करत शारीरिक जबरदस्ती तिच्यावर केली. महिलेने तात्काळ याला विरोध केला आणि प्रतिकार करत त्याला मारहाण केली. मात्र, आरोपीने तिचा प्रतिकार झुगारून देत तिच्यावर लैंगिक अत्याचार केले.
गुन्हा दाखल
या संपूर्ण प्रकरणानंतर पीडित महिलेने वाकड पोलीस ठाण्यात फिर्याद दाखल केली आहे. तिच्या तक्रारीवरून आरोपी मनोज कदम याच्यावर भारतीय न्याय संहिता (BNS) कलम 74, 351(2) आणि 351(3) अंतर्गत गंभीर गुन्हा नोंदवण्यात आला आहे. वाकड पोलीस या प्रकरणाचा सखोल तपास करत आहेत.
संतापजनक! अज्ञात व्यक्तीकडून कुत्र्याची अमानुष हत्या, सीसीटीव्हीत थरार कैद
दरम्यान, पुण्यातून एक धक्कदायक आणि संतापजनक बातमी समोर आली आहे. एका अज्ञात व्यक्तीने सायबेरियन हस्की जातीच्या कुत्र्याला दगडाने व लाकडी दांडक्याने बेदम मारहाण करत त्याची हत्या केल्याचे समोर आले आहे. ही घटना मंगळवारी रात्री साडेनऊच्या सुमारास आकुर्डी येथील डी टू सी कमर्शियल दुकानासमोर घडली. या घटनेचा थरार सीसीटीव्ही कॅमेऱ्यात संपूर्ण प्रकार कैद झाला आहे.
पिंपरी चिंचवड शहरातील आकुर्डी येथे डी टू सी कमर्शियल दुकानासमोर सायबेरियन हस्की जातीचा कुत्रा बसला होता. त्या कुत्र्याला अचानक एका अज्ञातव्यक्तीने लक्ष्य केले. सुरुवातीला त्याने दगडाने वार केले नंतर लाकडी दांडक्याने एकामागून एक जोरदार प्रहार करून कुत्र्याला गंभीर जखमी केले. एवढ्यावरच न थांबता आरोपीने मृतावस्थेत कुत्र्याला फरफटत रस्त्यावर आणले.
घटनेनंतर परिसरात संतापाची लाट उसळली असून प्राणीप्रेमींनी आरोपीला तात्काळ अटक करण्याची मागणी केली आहे. दुकानाच्या मालकाने तातडीने निगडी पोलीस ठाण्यात फिर्याद नोंदवली. त्यानुसार पोलिसांनी अज्ञात व्यक्तीविरोधात भारतीय दंड संहिता कलम 325, प्राण्यांचा छळ प्रतिबंधक अधिनियम 1960 मधील कलम 11(1) आणि इतर संबंधित कलमांखाली गुन्हा दाखल केला आहे
.png "Videos"){kind=small}
