Kalyan Crime: धक्कादायक! धाब्यावर बसल्या बसल्या शिवसेना पदाधिकाऱ्याची निर्घृण हत्या! कारण काय?

कल्याण-मुरबाड रस्त्यावर शिवसेना शिंदे गटाचे पदाधिकारी किरण घोरड यांची मित्रांकडून चाकूहल्ल्यात हत्या. धाब्यावर वाद वाढल्याने हल्ला झाला. परिसरात तणाव वाढला असून पोलिसांनी तपास वेगात सुरू केला आहे.

• मामणोलीजवळ साई मिलन धाब्यावर शिवसेना पदाधिकाऱ्याची निर्घृण हत्या
• आरोपी दुसरे कोणी नसून मृताचे मित्रच असल्याचे उघड
• नागरिक व कार्यकर्त्यांकडून तात्काळ अटकेची मागणी

कल्याण: ऐन नगरपालिकेच्या निवडणुकीच्या तोंडावर शिवसेना पधाधिकाऱ्याची निर्घृण हत्या करण्यात आल्याचे समोर आले आहे. हत्या करण्यात आलेल्या पधाधिकाऱ्याचे नाव किरण हेमा घोरड असे आहे. ही हत्या कल्याण-मुरबाड महामार्गावर असणाऱ्या मामणोली गावा जवळ सात वाजेच्या सुमारास करण्यात आली. किरण हे गोवेली या गावचे रहिवाशी होते. या घटनेने खळबळ उडाली आहे. मात्र हत्या करण्यामागचं उद्देश्य काय? कोणी केली हत्या? नेमकं प्रकरण काय आहे? जाणून घ्या.

पुणे पोलिस आहेत कुठे? कोयता गॅंगची दहशत कायम; सिगारेटचे पैसे मागितले म्हणून थेट…

कोणी केली हत्या?

सध्या कल्याण ग्रामिण भागात अनेक ठिकाणी नगरपालिकांच्या निवडणुका होत आहे. किरण घोरड हे शिवसेना शिंदे गटाचे पदाधिकारी आहेत. त्यांच्यावर हल्ला करणारे दुसरे तिसरे कोणी नसून त्यांच्याच मित्रांनी केल्याचे समोर आले आहे. हल्लेखोर आरोपींनी किरण यांच्या पोटावर, पाठीवर व डोक्यावर वार केले. हा हल्ला एवढा जोरदार होता की ते जागीच कोसळले.

काय घडलं नेमकं?

किरण घोरड हे मामणोली गावात काही कामासाठी गेले होते. त्यावेळी ते तिथल्या साई मिलन धाब्यावर आपल्या सहकाऱ्यांसह थांबले. त्यावेळी तिथे दुसरा गट देखील होता. त्याचे आणि किरण यांची आधी पासन वाद होते. त्यातील काही जणांनी किरण घोरड यांच्याशी वाद घातला. तो वाढ एवढा वाढला की किरण यांच्यावर थेट चाकू हल्ला करण्यात आला. हा हल्ला अत्यंत गंभीर होता. त्यात ते जबर जखमी झाले आणि जागीच कोसळले.

तपास सुरु

याची माहिती पोलिसांना देण्यात आली. पोलीस घटनास्थळी दाखल झाले. परिसरातील सीसीटीव्ही फुटेज तपासले जात आहे. मृत व्यक्तीच्या मृत व्यक्तीच्या अलीकडील हालचाली, संपर्कातील व्यक्ती, मोबाईल डेटा, आर्थिक व्यवहार आणि तणावग्रस्त संबंध अशा सर्व बाबींची चौकशी पोलीस करत आहेत.या घटनेची बातमी गोवेली तसेच मामणोली परिसरात पसरली. याघटनेमुळे परिसरात तणावाचे वातावरण निर्माण झाले होते. यामुळे पोलिसांनी अतिरिक्त बंदोबस्त तैनात केला आहे. या प्रकरणी काही महत्वाच्या गोष्टी पोलीसांच्या हाती लागल्या असल्याचं सांगितलं जात आहे.

कारण काय?

याप्रकरणी नागरिकांसह सामाजिक कार्यकर्त्यांनी तातडीने आरोपींना अटक करावी अशी मागणी केली आहे. मात्र हत्या करण्यामागचं उद्देश्य काय होता हे अद्याप समजू शकले नाही आहे. याचा तपास करण्यासाठी पोलिसांनी पथके तयार करून तपासाला सुरवात केली आहे. पूर्व वैमनस्यातून ही हत्या करण्यात आल्याचा संशय व्यक्त केला जात आहे.

Satara News: टेंभू उपसा सिंचन विभागात लाच घेताना कार्यकारी अभियंता आणि महिला कनिष्ठ अभियंता अटक