Solapur Crime: 14 दिवसांपासून बेपत्ता… अखेर जिम ट्रेनर मृतावस्थेत सापडला; गळफास की घातपात?

सोलापुरात बेपत्ता जिम ट्रेनर सचिन माने यांचा 14 दिवसांनी झाडाला गळफास घेतलेल्या अवस्थेत मृतदेह आढळला. नातेवाईकांनी घातपाताचा आरोप केला असून पोलिस तपास सुरू आहे.

• 14 दिवसांपासून बेपत्ता असलेल्या तरुणाचा मृतदेह सापडला
• झाडाला रबरी पाइपने गळफास घेतलेल्या अवस्थेत आढळ
• नातेवाईकांचा खुनाचा आरोप; पोलिसांकडून तपास सुरू

सोलापूर: सोलापूर येथून एक धक्कादायक घटना समोर आली आहे. सागवानाच्या झाडाला रबरी पाइपने गळफास घेतलेल्या अवस्थेत एका तरुण जिम ट्रेनरचा मृतदेह आढळून आल्याचे समोर आले आहे. १४ दिवसांपासून तो बेपत्ता होता. आपल्या बायकोला अर्ध्यातासात येतो असे सांगून तो घराबाहेर पडला मात्र तो परातलाच नाही. सचिन मच्छिंद्र माने (वय 30, रा. विजापूर नाका) असे मरण पावलेल्या तरुणाचे नाव आहे. त्यांचा मृतदेह सोलापूर-विजयपूर रस्त्यावरील सैफुल भागातील झाडाझुडपांमध्ये आढळला.

अर्ध्या तासात येतो तोपर्यंत…

सचिन माने हा शनिवार, 14 मार्च रोजी पत्नी कल्याणी यांना अर्ध्या तासात घरी येणार, तोपर्यंत कैरीचे लोणचे आणि भाजी बनव, असे सांगून तो घरातून बाहेर पडला. सचिनचे मोबाईल शॉपीचे दुकान होते आणि तो जीम ट्रेनर देखील होता. सचिन 14 मार्चपासून घरातून बेपत्ता होता. पोलिसांना याची तक्रार कुटुंबीयांनी विजापूर नाका पोलीस ठाण्यात दाखल केली होती. मात्र १४ दिवसानंतर सैफुलजवळील काटेरी झुडपात रबरी पाईपने गळफास घेतलेल्या स्थितीत आढळला. ही घटना शुक्रवारी सकाळी 9 वाजण्याच्या सुमारास उघडकीस आली.

Chhatrapati Sambhajinagar Crime: रस्त्यावरून उचललं, निर्जन शेतात नेऊन गुप्तांगावर वार, तरुण जीवाशी देतोय झुंज

मोबाईल आणि वस्तूंवरून ओळखला मृतदेह

पोलिसांना माहिती मिळाल्यांनतर नातेवाईकांनी तेथेत धाव घेऊन परिसरात असलेल्या सचिन यांच्या मोबाईल व अन्य वस्तूंवरून तो मृतदेह सचिन यांचाच असल्याची खात्री पटली. पोलिसांनी पंचनामा करून मृतदेह शवविच्छेदनासाठी शासकीय रुग्णालयात पाठवला. शासकीय रुग्णालयात सचिन यांच्या कुटुंबीयांनी आक्रोश व्यक्त केला, अनेक प्रशिक्षणार्थी व नातेवाईकांनी मोठी गर्दी केली होती. न्याय मिळवून देण्याची मागणी त्यांनी केली. एका महिलेसह तिघांनी सचिन यांचा घातपात केल्याचा आरोप नातेवाइकांनी केला आहे.

धक्कादायक! 14 वर्षीय मुलाने संपवले जीवन; घरात आतून कडी लावली आणि…; कारण काय?

सोलापूर येथून एक धक्कादायक घटना समोर आली आहे. एका 14 वर्षीय मुलाने राहत्या घरी गळफास घेत आत्महत्या केल्याची धक्कादायक घटना समोर आली आहे. आत्महत्या करणाऱ्या मुलाचे नाव यशराज धर्मराज डोके असे आहे. ही घटना एक मार्च रोजी संध्याकाळी सात वाजताच्या सुमारास मोहोळ तालुक्यातील पेनुर येथे घडली.

Nagpur Crime: शेवटचा व्हिडिओ कॉल…आणि आत्महत्या! नागपुरात नर्सिंग विद्यार्थिनीचं टोकाचं पाऊल