Telangana Crime: विकृत मानसिकतेचा कळस! मुलगाच हवा आहे म्हणत बापानेच मुलींसह पत्नीचा जीव घेतला

तेलंगणातील हनमकोंडात एका व्यक्तीने मुलगी होणार या रागातून गर्भवती पत्नी व दोन मुलींना स्विमिंग पूलमध्ये बुडवून ठार मारले. या तिहेरी हत्याकांडामुळे परिसरात संतापाचे वातावरण आहे.

• मुलगी होणार या कारणावरून तिहेरी हत्या
• गर्भवती पत्नी व दोन मुलींना बुडवून मारलं
• आरोपी फरार, पोलिसांचा तपास सुरू

तेलंगणा: तेलंगणा येथून एक धक्कादायक घटना समोर आली आहे. एका नराधमाने आपल्या गरोदर पत्नीसह दोन निष्पाप मुलींना स्विमिंग पूलमध्ये बुडवून त्यांची निर्घृण हत्या केल्याचा धक्कादायक प्रकार समोर आला आहे. आरोपीचे नाव अजहरुद्दीन असे आहे. अजहरुद्दीनने काही काळापूर्वी प्रेमविवाह केला होता, मात्र आपल्या पत्नीच्या पोटात वाढणारे बाळ हे मुलगी असल्याचे समजल्याने तो प्रचंड संतापलेला होता. या रागातून त्याने आपल्या संपूर्ण कुटुंबाला संपवण्याचे टोकाचे पाऊल उचलले. पोलीस या प्रकरणाचा सखोल तपास करत आहे. ही घटना तेलंगणातील हनमकोंडा परिसरात घडली.

Bhandara: भंडाऱ्यात वाघाचा धुमाकूळ; 15 दिवसांत 2 जणांचा बळी, वाघाच्या भीतीने मुले शाळेत जाईना; गावकऱ्यांत भीती

काय घडलं नेमकं?

अजहरुद्दीनने आपल्या पत्नीवर गर्भपात करण्यासाठी वारंवार दबाव टाकला होता, परंतु त्याच्या पत्नीने या अन्यायकारक मागणीला कडाडून विरोध दर्शवला होता. पत्नीने गर्भपात करण्यास नकार दिल्यानंतर अजहरुद्दीनने या हत्या करण्याचा कट रचला. याच योजनेचा भाग म्हणून तो आपल्या कुटुंबाला घेऊन एका स्विमिंग पूलवर गेला आणि तिथे त्याने आपल्या पत्नीसह दोन्ही मुलींना पाण्यात फेकून दिले. या घटनेनंतर आरोपी पसार झाला असून, त्याला पकडण्यासाठी पोलिसांनी विशेष पथके तयार केली आहेत. कौटुंबिक वादातून आणि लिंगभेदाच्या विकृत मानसिकतेतून एका हसत्याखेळत्या कुटुंबाचा असा दुर्दैवी अंत झाल्याने समाजमनातून तीव्र संताप व्यक्त केला जात आहे.

तेलंगणा हादरले! ऑटोचालक बापाकडून 8, 6 आणि 5 वर्षांच्या मुलींची तलावात केली बुडून हत्या; कारण काय?

तेलंगणा येथून एक धक्कादायक घटना समोर आली आहे. वडिलांनी आपल्याच पोटच्या तीन अल्पवयीन मुलींची निर्घृण हत्या केल्याची समोर आली आहे. रविवारी पोलिसांनी आरोपीला ऑटो-रिक्षा चालकाला अटक केली होती. त्याने आपल्या मुलींना तलावात बुडवून मारल्याचं सांगण्यात येत आहे. या घटनेने तेलंगणा हादरून गेले.

काय नेमकं प्रकरण?

6 मार्च रोजी आरोपी ऑटो चालक आणि त्याच्या पत्नीने पोलिसांत तक्रार केली, त्याच्या 8, 6 आणि 5 वर्षांच्या तीन मुली अचानक बेपत्ता झाल्या. पोलिसांनी गुन्हा दाखल करत तात्काळ शोधायला सुरुवात केली. मुलींचा शोध घेण्यासाठी पोलिसांनी स्थानिक रहिवाशांची चौकशी केली आणि मुलींचे फोटो सोशल मिडिया आणि मेसेंजिग अॅपवर शेअर केले होते.

पोलिसांनी वडिलांची कडक चौकशी केली असता, मुलींना शेवटच्या क्षणी कुठे पहिले याची मागणी केली होती. तो त्याच्या बोलण्यावर ठाम नव्हता. पोलिसांना त्याच्या हालचालींवर संशय आला आणि तांत्रिक तपासणी आणि कठोर चौकशीनंतर त्याने गुन्हा कबूल केला.

Pune Crime: फेसबुकवरून ओळख, लग्न आणि संशय; आळंदीत चिमुकलीसह वृद्धेची निर्घृण हत्या