crime (फोटो सौजन्य: social media)
ठाण्यातील ढोकाळी परिसरात राहणारे ४५ वर्षीय तक्रारदार यांचा कपड्यांचा ट्रेडिंग आणि रिअल इस्टेटचा व्यवसाय आहे. डिसेंबर २०२३ मध्ये ते आपल्या पत्नी, मुलगा आणि सासूसह अमृतसर येथे पर्यटनासाठी गेले होते. या सहलीदरम्यान त्यांची ओळख स्थानिक रिक्षाचालक हरविंदर सिंग याच्याशी झाली. सहल संपवून सर्वजण ठाण्यात परतले आणि काही दिवस संसार सुरळीत सुरू होता.
१० जानेवारी २०२६ रोजी सकाळी तक्रारदार यांना त्यांची पत्नी, मुलगा आणि सासू घरात नसल्याचे आढळून आले. सुरुवातीला याप्रकरणी कापुरबावडी पोलीस ठाण्यात ‘मिसिंग’ची नोंद करण्यात आली होती. मात्र, पोलिसांनी तपास केला असता, तक्रारदार यांची पत्नी अमृतसर येथे हरविंदर सिंग याच्यासोबत आपल्या स्वेच्छेने राहत असल्याचे निष्पन्न झाले. त्यानंतर पोलिसांनी मिसिंगची नोंद बंद केली.
तिने कपाट साफ करून पळवले दागिने, पैसे
अमृतसरला जाऊन पत्नीचा शोध घेतल्यानंतर तक्रारदार जेव्हा घरी परतले, तेव्हा त्यांना घरात चोरी झाल्याचे लक्षात आले. घरातील कपाटाची तपासणी केली असता रोख १.३० लाख रुपये, ७५ हजारांची सोन्याची चेन आणि २५ हजारांची अंगठी आणि १ लाख रुपये किमतीचे रेडिमेड कपडे असा एकूण ३ लाख ३० हजार रुपयांचा ऐवज पत्नीने सोबत नेल्याचा आरोप पतीने तक्रारीत केला आहे.
या तक्रारीनंतर कापुरबावडी पोलिसांनी गुन्हा दाखल केला असून, प्रकरणाचा अधिक तपास सुरू आहे. वरिष्ठ पोलीस निरीक्षक मंजुषा भोंगळे यांच्या मार्गदर्शनाखाली पोलीस पथक या प्रकरणाचा तांत्रिक आणि कायदेशीर पैलू पडताळून पाहत आहे. एका सहलीतून सुरू झालेली ओळख एका सुखी संसाराला असा सुरुंग लावेल, याची कल्पनाही तक्रारदाराने केली नव्हती.
Ans: ती अमृतसरमध्ये रिक्षाचालकाशी राहत असल्याचे समोर आले.
Ans: सुमारे 3.30 लाख रुपयांचा ऐवज नेल्याचा आरोप आहे.
Ans: कापुरबावडी पोलीस ठाण्यात गुन्हा दाखल करून तपास सुरू आहे.
.png "Videos"){kind=small}
