Thane Crime: इंस्टाग्राम ‘रीलस्टार’कडून उच्च शिक्षित तरुणींची फसवणूक; 37 लाखांचे दागिने, BMW आणि आयफोन जप्त

कसा उघड झाला प्रकरण?

डोंबिवलीत राहणाऱ्या एका उच्चभ्रू कुटुंबातील मुलीकडे असलेले दागिने अचानक गायब झाले. इतक्या मोठ्या प्रमाणात दागिने कुठे गेले. कुटुंबियांनी त्या तरुणीची विचारपूस केली. तेव्हा तिने सांगितले की तिने तिच्या प्रियकराला सर्व दागिने दिले आहेत. कुटुंबीयांना या तरुणाची माहिती घेण्यास सुरुवात केली. शैलेश रामगुडे असे या तरुणाचे नाव आहे. तो मोठा रिलस्टार आहे. त्याने दोन वेबसीरीजमध्ये काम देखील केले आहे. परंतु जेव्हा कुटुंबीयांना हे माहिती पडले तेव्हा त्याच्या विरोधात ठाण्यातील कापूरबावडी पोलीस ठाण्यात आणखीन दोन तरुणींसोबत फसवणूक केल्याचा गुन्हा दाखल आहे. याआधी त्याला अटक देखील झाली आहे. तेव्हा त्यांच्या पायाखालची वाळू सरकली. त्यांनी विष्णूनगर पोलीस ठाण्यात धाव घेतली. त्यांनी तक्रार दाखल केली.

अनेक तरुणींची फसवणूक

पोलीस ठाण्यात तक्रार दाखल होताच विष्णूनगर पोलीस ठाण्याचे वरिष्ठ पोलीस निरीक्षक राम चोपडे आणि पोलीस निरीक्षक गहनीनाथ सर्जेराव गमे यांच्या मार्गदर्शनाखाली या प्रकरणाचा तपास सुरु झाला. तपासात समोर आले की त्याने केवळ एका तरुणीला नाही तर डोंबिवलीतील अनेक तरुणींना फसविले आहे. शैलेश रामगुडे याला त्याच्या ठाण्यातील राहत्या घरातून अटक केली.

37 लाखांचे दागिने, BMW आणि आयफोन जप्त

तो ठाण्यातील हिरानंदानी इमारतीत राहत होता, त्याच्याकडून पोलिसांनी एक कोटीची बीएमडब्लू कार, 37 लाखाचे दागिने आणि चार महागडे आयफोन हस्तगत केले आहेत.शैलैश रामूगडे याच्या विरोधात आणखीन तक्रारी येण्याची शक्यता सहाय्यक पोलिस आयुक्त सुहास हेमा यांनी दिली आहे. या घटनेमुळे एकच खळबळ माजली आहे.

कशी करायचा फसवणूक

तो इंस्टाग्राम तरुणींसोबत मैत्री करायचा. त्यांना प्रेमाच्या जाळ्यात तो काही ना काही बहाणे करायचा. कधी ईडीची रेड पडली आहे, असे सांगायचा. तर कधी काही सांगून तरुणींकडून पैसे आणि दागिने उकळून सोडून द्यायचा. फासावनूक झालेल्या तरुणींपैकी काही उच्च शिक्षित आणि तर काही आयटी इंजिनिअर पदावर नाेकरीला असल्याची माहिती समोर आली आहे.

राँग साईडने जाताना पोलिसांनी महिलेला अडवले; ई-चालान करताना मशीनच फोडले

संबंधित बातम्या