
लाच स्वीकारली, एसीबीची चाहूल लागताच पळाला; दीड महिन्यांनी फरार हवालदाराला केली अटक
एक लाखांच्या लाचेची मागणी
शिरूर पोलीस ठाण्यात तक्रारदाराविरुद्ध दाखल असलेल्या गुन्ह्यांत अटक न करण्यासाठी तसेच प्रकरणात मदत करण्याच्या मोबदल्यात मुंढे याने एक लाख रुपयांची लाच मागितल्याची तक्रार लाचलुचपत प्रतिबंध विभागाकडे करण्यात आली होती. त्यानुसार ३० सप्टेंबर रोजी टाकळी हाजी पोलीस चौकीत पंचांसमक्ष लाच मागणीची पडताळणी करण्यात आली. यावेळी सुरुवातीला एक लाख रुपये आणि तडजोडीनंतर ९५ हजार रुपये देण्याचे निश्चित झाल्याचे निष्पन्न झाले. त्यानंतर लाचलुचपतने सापळा रचला. टाकळी हाजी पोलीस चौकीत मुंढे याने तक्रारदाराकडून पंचांसमक्ष ९५ हजार रुपयांची लाच स्वीकारली. मात्र, लाचलुचपतच्या पथकाची चाहूल लागताच त्याने स्वीकारलेली लाच रक्कम आणि तक्रारदाराविरुद्ध दाखल गुन्ह्याची कागदपत्रे घेऊन तो पसार झाला.
मुंडे फरार झाल्यापासून त्याचा शोध सुरू होता. पोलीस अधीक्षक शिरीष सरदेशपांडे, अपर पोलीस अधीक्षक अजित पाटील आणि पोलीस उपअधीक्षक सतीश वाळके यांच्या मार्गदर्शनाखाली पोलीस निरीक्षक सुहास हट्टेकर यांनी त्याला शिरूर नगरपरिषद परिसरातून अटक केली. त्यानंतर विशेष न्यायालयात हजर केले असता न्यायालयाने २० नोव्हेंबरपर्यंत पोलीस कोठडी सुनावली आहे.
Ans: शिरूर पोलीस ठाण्यात दाखल गुन्ह्यांत तक्रारदाराला अटक न करण्यासाठी आणि प्रकरणात मदत करण्याच्या मोबदल्यात त्याने एक लाख रुपयांची लाच मागितली होती. तडजोडीनंतर ९५ हजार रुपये स्वीकारताना तो लाचलुचपत प्रतिबंधक विभागाच्या सापळ्यात अडकला.
Ans: लाचलुचपत प्रतिबंधक विभागाच्या पथकाची चाहूल लागताच मुंढे ९५ हजार रुपये आणि तक्रारदाराविरुद्ध दाखल गुन्ह्याची कागदपत्रे घेऊन पसार झाला. तब्बल दीड महिन्याने त्याला शिरूर नगरपरिषद परिसरातून अटक करण्यात आली.
Ans: अटकेनंतर मुंढेला विशेष न्यायालयात हजर करण्यात आले. न्यायालयाने त्याला २० नोव्हेंबरपर्यंत पोलीस कोठडी सुनावली आहे.