पुणे : स्वारगेट अत्याचार प्रकरणात सोमवारी नराधम दत्तात्रय गाडेचा मामे भाऊ याने पत्रकार परिषद घेऊन पोलीस संरक्षण देण्याची मागणी केली. तर, दत्तात्रय याचे वकिल वाजीद खान यांनी पत्रकार परिषदेत त्यांच्यात आर्थिक व्यवहार झाला असे आम्ही म्हणलोच नाही, असेही स्पष्ट केले. तर, त्यांना त्यांच्यात ओळख होती, याबाबतही काही बोलता आले नाही. त्यामुळे याप्रकरणात मुद्दाम फेक नॅरेटिव्ह पसरविला जात असल्याचे प्रथमदर्शनी तरी दिसत आहे.
स्वारगेट बसस्थानकात २६ वर्षीय तरुणीवर झालेल्या अत्याचार प्रकरणात आरोपी दत्तात्रय गाडे याचे वकिल वाजिद खान व दत्ताच्या भावाने एकत्रित पत्रकार परिषद घेतली. यावेळी त्यांनी गाडे कुटूंबियांच्या वतीने पोलीस आयुक्त अमितेशकुमार यांना पोलीस संरक्षण देण्याच्या मागणीचे पत्र दिले आहे. आम्हाला संरक्षण हवे असल्याचे सांगितले. तसेच, गावातील लोकांचा आमच्याकडे बघण्याचा दृष्टीकोन बदलला आहे, असे त्याच्या भावाने सांगितले.
तर, आरोपी घरी आल्यानंतर काहीही बोलला नाही. त्याच नाव बदनाम आहे, त्यामुळे मी जास्त बोलत नसल्याचेही भाऊ म्हणाला. तपास योग्य झाला पाहिजे. जिच्यासोबत घटना घडली, तिला न्याय मिळाला पाहिजे. चौकशीत दोष सिद्ध झाल्यास फाशी दिली तरी चालेल. परंतु, घटना सत्य आहे का नाही, ह्याचाही तपास व्हावा, असे मत दत्तात्रय याचा भावाने व्यक्त केले आहे.
हे सुद्धा वाचा : चांगल्या परताव्याचे आमिष दाखवून तिघांची फसवणूक; तब्बल 55 लाखांना घातला गंडा
दत्ता गाडेवर गुन्हे दाखल
पुण्यातील स्वारगेट एसटी बसस्थानकावरील शिवशाही बसमध्ये एका 26 वर्षीय तरुणीवर अत्याचार झाल्याची धक्कादायक घटना समोर आली. या अत्याचारानंतर संबंधित आरोपी हा घटनास्थळावरून पळून गेला होता. पोलिसांत तक्रार येताच गुन्हा दाखल करत पोलिसांची विविध पथके त्याच्या मागावर होती. अखेर त्याला पकडण्यात पोलिसांना यश आले आहे. विशेष म्हणजे दत्तात्रय गाडे हा सराईत गुन्हेगार असून, त्याच्यावर विविध पोलिस ठाण्यात गुन्हा दाखल आहे. आरोपी दत्तात्रय रामदास गाडे हा शिरूर तालुक्यातील गुणाट गावचा रहिवासी असल्याचे समोर आले आहे. तसेच त्याच्यावर विविध पोलिस ठाण्यात गुन्हे दाखल आहेत. त्याच्यावर यापूर्वी जबरी चोरीसह सात गुन्हे दाखल आहेत. दरम्यान, आरोपी दत्तात्रय गाडेला अटक करण्यासाठी पुणे पोलिस नागरिकांची मदत घेताना दिसले होते. आरोपीबद्दल माहिती देणाऱ्याला एक लाख रुपयांचे बक्षीसही जाहीर केले होते. नागरिकांना कोणतीही माहिती मिळाल्यास पोलिसांशी संपर्क साधण्याचे आवाहन पोलिसांकडून करण्यात आले होते. असे असताना पोलिसांनी राबवलेल्या शोधमोहिमेदरम्यानच त्याला शिरूरच्या गुणाट गावातून अटक करण्यात आली.
.png "Videos"){kind=small}
