Santosh Deshmukh Case : संतोष देशमुख प्रकरणात मोठी अपडेट; API महेश विघ्नेसह दोघांची उचलबांगडी

या प्रकरणावर राष्ट्रवादीचे शरद पवार गटाचे आमदार जितेंद्र आव्हाड आणि अजित पवार गटाचे प्रवक्ते सुरज चव्हाण यांनी महेश विघ्ने यांच्या वर्तणुकीबाबत प्रश्नचिन्ह उपस्थित केले होते.

Photo Credit- social Media

Follow Us:

Follow Us:

बीड:  मस्साजोग गावचे सरपंच संतोष देशमुख यांच्या हत्या प्रकरणाने संपूर्ण राज्यातील वातावरण ढवळून निघालं आहे. या हत्याप्रकरणामुळे राज्यभरात तणाव निर्माण झाला. त्यानंतर जवळपास 22 दिवसांनी या प्रकरणातील आरोपी वाल्मिक कराडने पोलिसांना सरेंडर केले. त्यानंतर अवघ्या दोन-तीन दिवसात या प्रकरणातील सुदर्शन घुले, सुधीर सांगळे यांनाही अटक करण्यात आली. संपूर्ण बीड जिल्ह्यातच नव्हे तर राज्यभरात या हत्येचा निषेध करण्यात आला. पोलीस प्रशासन आणि राज्य सरकारवरचा दबाव वाढला. त्यानंतर महायुती सरकारने संतोष देशमुख हत्याप्रकरणाचा तपास करण्यासाठी 10 जणांची विशेष तपास पथक (एसआयटी) तयार केली. पण, या एसआयटीमधील पोलिसांच्या विश्वासार्हतेवर शरद पवार गटाचे आमदार जितेंद्र आव्हाड यांनी प्रश्नचिन्ह उपस्थित केले होते. जितेंद्र आव्हाड यांनी ट्विट करत, एसआयटी पथकाचे प्रमुख, IPS डॉ. बसवराज तेली यांचा अपवाद वगळता, इतर सर्व पोलिस अधिकारी वाल्मिक कराडचीच माणसे असल्याचा दावा त्यांनी केला.

एपीआय महेश विघ्नेसह दोघांची उचलबांगडी

जितेंद्र आव्हाड यांनी वाल्मिक कराडची चौकशी करणाऱ्या एसआयटी कमिटीत असलेले एपीआय महेश विघ्ने यांचा फोटो ट्विट केला. यात महेश विघ्ने आणि वाल्मिक कराड यांचा सोबत असलेला हा फोटो होता. जितेंद्र आव्हाड यांच्या आरोपानंतर पोलीस प्रशासन खडबडून जागे झाले. शरद पवार गटाचे आमदार जितेंद्र आव्हाड यांनी केलेल्या दाव्यानंतर एपीआय महेश विघ्ने यांची उचलबांगडी करण्यात आली आहे. याचप्रमाणे इतर दोन पोलीस अधिकाऱ्यांनाही या एसआयटीमधून बाजूला करण्यात आले आहे. संतोष देशमुख हत्याप्रकरणातील सूत्रधार म्हणून आरोप केलेल्या वाल्मिक कराड सोबत महेश विघ्ने यांचा फोटो वायरल झाला. या प्रकरणावर राष्ट्रवादीचे शरद पवार गटाचे आमदार जितेंद्र आव्हाड आणि अजित पवार गटाचे प्रवक्ते सुरज चव्हाण यांनी महेश विघ्ने यांच्या वर्तणुकीबाबत प्रश्नचिन्ह उपस्थित केले होते. परिणामी या सर्व घडामोडींची दखल घेत एपीआय महेश विघ्ने यांच्यासह हवलदार मनोज वाघ यांची उचलबांगडी करण्यात आली आहे. महेश विघ्ने यांची पुण्यात बदली करण्यात आल्याचे सांगितले जात आहे.

जितेंद्र आव्हाड, सुरज चव्हाण यांनी ज्या पोलीस कर्मचाऱ्यांवर आरोप केले होते ते सर्व बीड स्थानिक गुन्हे शाखेच कर्मचारी आहेत. एसआयटीमध्ये या अधिकाऱ्यांचा समावेश झाल्यानंतरही बीडच्या स्थानिक गुन्हे शाखेने त्यांना रिलीव्ह केले नाही. म्हणजेच तिघेजण आता एसआयटीचा भाग असणार नाहीत. पण याच मुद्द्यावरून अजित पवार गटाचे प्रवक्ते सुरज चव्हाण यांनीही आरोपीच्या कोणी जवळचा SIT मध्ये असेल तर त्याला तत्काळ दूर करण्याची मागणी केली होती. तसेच, या प्रकरणात कोणी राजकारण करू नका, असे आवाहनही त्यांनी यावेळी केलं होते.

Web Title: Two people including api mahesh vighne transferred in santosh deshmukh case nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com