विमानाने फिरायचा अन् इमारतीवर Spiderman सारखा चढून चोरी करायचा, १२ तासात पोलिसांकडून अटक

आज काल चोरीच्या घटना जास्त होत असल्याचे समोर येत आहे. आता, मुंबईत एक स्पाईडरमॅनसारखा चोरटा पोलिसांच्या तावडीत सापडला आहे. मालाडमधील एका ठिकाणी चोरी केल्यानंतर पोलिसांनी त्याला 12 तासांत बेड्या ठोकल्या आहेत.

मुंबई: आज काल चोरीच्या घटना जास्त होत असल्याचे समोर येत आहे. नुकताच काही दिवसांपूर्वी कल्याण मधील एका चोरट्याचा तेलंगणात एन्काऊंटर केल्याची घटना घडली. विशेष म्हणजे हा चोरटा चक्क विमानाने फिरस्ती करून मोठंमोठ्या शहरात चोरीचा प्लॅन आखायचा. त्याच्यावर विविध शहरात गुन्हे दाखल होते. आता मुंबईतून असाच एक प्रकार समोर आला आहे.

सरपंच देशमुखांना मारण्यासाठी 4 जीवघेण्या हत्यारांचा वापर, अंगावर 150 जखमा; रिपोर्टमधून धक्कादायक माहिती समोर

आता, मुंबईत एक स्पाईडरमॅनसारखा चोरटा पोलिसांच्या तावडीत सापडला आहे. मालाडमधील एका ठिकाणी चोरी केल्यानंतर पोलिसांनी त्याला 12 तासांत बेड्या ठोकल्या आहेत. तसेच, चोरट्याकडून 36 लाख 40 हजार रुपये किमतीचे सोन्याचे दागिने आणि हिरे देखील जप्त करण्यात आले आहेत.

मालाड पोलिसांनी सापळा रचून जोगेश्वरी रेल्वे स्थानकाच्या रुळांवर फिल्मी शैलीत १ किलोमीटर धावून आरोपीला अटक केली आहे. मुंबईतील मालाड पश्चिम, रामबाग लेन ॲडव्हान्स पलाझो बिल्डिंगमध्ये मध्यरात्री स्पायडरमॅनप्रमाणे इमारतीवर चढून चोरी करणाऱ्या चोरट्याला मालाड पोलिसांनी अवघ्या 12 तासात अटक केली. मालाड पोलिसांनी चोराकडून 36 लाख 40 हजार रुपये किमतीचे सोन्याचे दागिने आणि हिरे जप्त केले आहेत. संतोष सुरेश चौधरी उर्फ वैतू (२३) असे अटक आरोपीचे नाव आहे. आरोपी हा सराईत गुन्हेगार असून त्याच्यावर विविध पोलीस ठाण्यात 30 पेक्षा अधिक गुन्ह्यांची नोंद आहे. दरम्यान, सध्या हा चोरटा आरोपी पोलिसांच्या ताब्यात असून आरोपीने अजून कुठे चोरी किंवा इतर कोणता गुन्हा केला आहे का, याचा तपास घेत आहेत.