Aasha Singh Jaiswal Passes Away: मनोरंजनसृष्टीवर शोककळा; ९०च्या दशकातील प्रसिद्ध अभिनेत्री आशा सिंह जायसवाल काळाच्या पडद्याआड

Aasha Singh Jaiswal Passes Away: ‘महाभारत’मध्ये कृपीची भूमिका साकारणाऱ्या ज्येष्ठ अभिनेत्री आशा सिंह जयस्वाल यांचं २२ ऑगस्ट रोजी निधन झालं. त्या मीना कुमारींचा आवाज म्हणूनही प्रसिद्ध होत्या.

Aasha Singh Jaiswal Passes Away: हिंदी चित्रपटसृष्टीतील ज्येष्ठ अभिनेत्री आणि आवाज कलाकार आशा सिंह जयस्वाल यांचं निधन झालं आहे. २२ ऑगस्ट रोजी त्यांनी अखेरचा श्वास घेतला. त्यांच्या निधनाची माहिती त्यांचा मुलगा आकाश भारद्वाज यांनी सोशल मीडियावर पोस्ट शेअर करत दिली. या बातमीने मनोरंजनसृष्टीत शोककळा पसरली आहे.

आकाश यांनी आईच्या निधनाची माहिती देताना त्यांना कणखर आणि मेहनती महिला म्हणून संबोधलं. तसेच चाहत्यांनी त्यांच्या कामाची आठवण ठेवावी आणि त्यांच्या आत्म्याच्या शांतीसाठी प्रार्थना करावी, असं आवाहनही त्यांनी केलं.

मीना कुमारींचा आवाज बनून मिळवली खास ओळख

आशा सिंह जयस्वाल यांचं नाव दिग्गज अभिनेत्री मीना कुमारी यांच्याशी विशेष जोडलेलं होतं. त्यांनी मीना कुमारी यांच्यासाठी आवाज दिला होता. त्यामुळे पडद्यावर दिसणाऱ्या कलाकारांसोबतच त्यांच्या व्यक्तिरेखांना आवाज देणाऱ्या कलाकारांचंही चित्रपटसृष्टीतील योगदान किती महत्त्वाचं आहे, याची आठवण त्यांच्या कारकिर्दीमुळे होते.

डबिंग आणि आवाजाच्या माध्यमातून त्यांनी अनेक व्यक्तिरेखांना प्रभावी बनवण्यात योगदान दिलं. पडद्यामागे राहून काम करणाऱ्या कलाकारांपैकी त्या एक होत्या. त्यांच्या आवाजामुळे अनेक व्यक्तिरेखांना वेगळी ओळख मिळाली.

Asim Riaz- Himanshi Khurana: असीम रियाजने धर्म परिवर्तनाच्या दाव्यांवर सोडलं मौन; हिमांशी खुराना आणि पारस छाबडावर साधला निशाणा

‘महाभारत’मधील कृपीची भूमिका गाजली

आशा सिंह जयस्वाल यांनी अभिनय क्षेत्रातही आपली वेगळी छाप सोडली. लोकप्रिय पौराणिक मालिका ‘महाभारत’मध्ये त्यांनी कृपी ही महत्त्वाची भूमिका साकारली होती. त्यांच्या या भूमिकेला प्रेक्षकांची पसंती मिळाली होती.

९०च्या दशकातील मनोरंजनविश्वात आशा सिंह जयस्वाल यांचा महत्त्वाचा सहभाग होता. अभिनयासोबतच आवाज कलाकार म्हणूनही त्यांनी आपली कारकीर्द घडवली.

दीर्घकाळ आजाराशी झुंज

मीडिया रिपोर्ट्सनुसार, आशा सिंह जयस्वाल गेल्या काही काळापासून आजारी होत्या. त्या फुफ्फुसाच्या संसर्गाशी झुंज देत होत्या. अखेर २२ ऑगस्ट रोजी त्यांनी शेवटचा श्वास घेतला.

आशा सिंह जयस्वाल यांच्या निधनाने मनोरंजनसृष्टीतील एक ज्येष्ठ कलाकार हरपला आहे. त्यांच्या अभिनयासोबतच आवाजाच्या माध्यमातून त्यांनी दिलेलं योगदान कायम स्मरणात राहील.

Aditya Seal Anushka Ranjan Twin Baby: आदित्य-अनुष्का झाले आई-बाबा; जुळ्या मुलींच्या आगमनाने घरात दुहेरी आनंद, लेकींची नावंही ठरली