Avinash Mishra: अविनाश मिश्राने ईशाला केलं प्रपोज, ‘खतरों के खिलाड़ी १५’च्या सक्सेस पार्टीतील ‘तो’ व्हिडीओ चर्चेत

Avinash Mishra Express Love: ‘खतरों के खिलाड़ी १५’च्या सक्सेस पार्टीत अविनाश मिश्रा यांनी ईशा सिंगसमोर प्रेम व्यक्त केल्याचा व्हिडीओ सोशल मीडियावर व्हायरल होत आहे.

 Avinash Mishra : ‘खतरों के खिलाड़ी १५’चा ग्रॅंड फिनाले नुकताच पार पडला असून, अविनाश मिश्रा याने या सीझनची ट्रॉफी आपल्या नावावर केली आहे. ट्रॉफी जिंकल्यानंतर अविनाशच्या सक्सेस पार्टीचं आयोजन करण्यात आलं होतं. या पार्टीमध्ये ‘खतरों के खिलाड़ी १५’मधील स्पर्धकांनीही धमाल-मस्ती केली. या पार्टीतील अनेक व्हिडीओ सोशल मीडियावर व्हायरल होत आहेत. मात्र, यातील एका व्हिडीओने सध्या सर्वांचं लक्ष वेधून घेतलं आहे.

अविनाशने ईशाला केलं प्रपोज?

व्हायरल होत असलेल्या या व्हिडीओमध्ये अविनाश मिश्रा आणि ईशा सिंग एकत्र दिसत आहेत. पार्टीदरम्यान अविनाश ईशाला ‘बेबी’ असं संबोधताना दिसतो. त्यानंतर तो ईशाबद्दल आपल्या भावना व्यक्त करतो.

“तुझ्या प्रेमाबद्दल आणि पाठिंब्याबद्दल धन्यवाद, बेबी. माझ्या आयुष्यात ईशा असल्याबद्दल मी कृतज्ञ आणि धन्य आहे. माझं तुझ्यावर खूप प्रेम आहे, बेबी,” असं अविनाश व्हिडीओमध्ये म्हणताना दिसत आहे. त्यामुळे अविनाशने ईशाला प्रपोज केल्याची चर्चा सोशल मीडियावर रंगली आहे.

Sheeba Chaddha: नात्यात संवाद का महत्त्वाचा? ‘Bakaiti’च्या दुसऱ्या सीझनआधी शीबा चड्ढा यांनी सांगितल्या खास गोष्टी

‘भाऊ, हा व्हिडीओ अपलोड करू नकोस’

विशेष म्हणजे, ईशाबद्दल आपल्या भावना व्यक्त केल्यानंतर अविनाशने व्हिडीओ शूट करणाऱ्या व्यक्तीला हा व्हिडीओ सोशल मीडियावर अपलोड न करण्याची विनंती केली. “भाऊ, हा व्हिडीओ अपलोड करू नकोस,” असं अविनाश म्हणताना ऐकू येत आहे. मात्र, त्यानंतरही हा व्हिडीओ सोशल मीडियावर व्हायरल झाला आहे.

Khullam khulla pyaar 🫢
I LOVE YOUUU BABYYY bolne ke bad bolta hai Ye video mat daalnaaa 😭😂 #Avisha #AvinashMishra #EishaSingh https://t.co/i8ZBAsZTuf — 𝙈𝙧 𝙋𝙚𝙧𝙛𝙚𝙘𝙩 ♠️ (@perfact8974) October 6, 2026

 

‘बिग बॉस १८’पासून दोघांच्या नात्याची चर्चा

अविनाश मिश्रा आणि ईशा सिंग यांच्यातील जवळीक ‘बिग बॉस १८’पासून चर्चेत आली होती. शोदरम्यान दोघांची घट्ट मैत्री पाहायला मिळाली होती. त्यामुळे त्यांच्या डेटिंगच्या चर्चांनाही अनेकदा उधाण आलं.

अविनाशने शोमध्ये ईशाबद्दलच्या आपल्या भावना व्यक्त केल्या होत्या. मात्र, ईशाने त्यांच्या नात्याचं वर्णन कायमच घट्ट मैत्री म्हणून केलं आहे.

Vijayendra Kumeria Divorce: ‘नागिन’ फेम अभिनेत्याचा १० वर्षांचा संसार मोडला; अखेर घटस्फोटावर केलं भाष्य

साखरपुड्याच्या चर्चांवरही दिलं होतं स्पष्टीकरण

२०२६च्या सुरुवातीला अविनाश आणि ईशाच्या साखरपुड्याच्या चर्चांनीही जोर धरला होता. दोघांचे काही फोटो सोशल मीडियावर व्हायरल झाल्यानंतर त्यांच्या एंगेजमेंटच्या बातम्या समोर आल्या होत्या. मात्र, दोन्ही कलाकारांनी या चर्चांना फेटाळून लावत ते फोटो एका प्रमोशनल कॅम्पेनचा भाग असल्याचं स्पष्ट केलं होतं.

आता ‘खतरों के खिलाड़ी १५’च्या सक्सेस पार्टीतील अविनाश आणि ईशाचा हा व्हिडीओ समोर आल्यानंतर पुन्हा एकदा त्यांच्या नात्याची चर्चा रंगली आहे.