रविवार, 16 ऑगस्ट 2026
(फोटो सौजन्य- सोशल मिडिया)
Box Office: इम्रान हाश्मीच्या बहुप्रतिक्षित ‘आवारापन २’ने देशांतर्गत बॉक्स ऑफिसवर दमदार सुरुवात केली आहे. २००७ मध्ये आलेल्या ‘आवारापन’ या चित्रपटाच्या सिक्वेलने १४ ऑगस्टला चित्रपटगृहात प्रवेश केला. पहिल्याच दिवशी चित्रपटाने भारतात २२.७५ कोटी रुपये (नेट) कमावले. त्यानंतर स्वातंत्र्यदिनाच्या सुट्टीचा मोठा फायदा चित्रपटाला झाला आणि दुसऱ्या दिवशी कमाईत तब्बल ५० टक्क्यांची वाढ झाली.
Sacnilkच्या आकडेवारीनुसार, ‘आवारापन २’ने दुसऱ्या दिवशी १०,४९६ शोमधून ३३ कोटी रुपये (नेट) कमावले. त्यामुळे दोन दिवसांत चित्रपटाची भारतातील एकूण नेट कमाई ५५.७५ कोटी रुपयांवर पोहोचली आहे. चित्रपटाची ग्रॉस कमाई ६६.९० कोटी रुपये झाली असून, परदेशातील कमाईसह वर्ल्डवाइड ग्रॉस कलेक्शन ७२.९० कोटी रुपयांवर पोहोचले आहे.
‘आवारापन २’च्या कमाईचा वेग पाहता चित्रपटाने इम्रान हाश्मीच्या अनेक हिट चित्रपटांनाही मागे टाकले आहे. शनिवारपर्यंत या चित्रपटाने ‘हक’ (२० कोटी), ‘राज २’ (२५.५० कोटी), ‘एक थी डायन’ (२६ कोटी) आणि ‘जन्नत’ (३० कोटी) यांच्या लाइफटाइम कलेक्शनपेक्षा अधिक कमाई केली आहे.
विशेष म्हणजे, २००७ मध्ये प्रदर्शित झालेल्या पहिल्या ‘आवारापन’ने संपूर्ण रनमध्ये ७.७५ कोटी रुपये (नेट) कमावले होते. मात्र, ‘आवारापन २’ने हा आकडा प्रदर्शित झाल्यानंतर अवघ्या काही तासांतच पार केला.
दुसरीकडे, सनी देओलच्या ‘बटवारा १९४७’ या पीरियड ड्रामालाही स्वातंत्र्यदिनाच्या सुट्टीचा फायदा झाला. राजकुमार संतोषी दिग्दर्शित हा चित्रपट १४ ऑगस्टला प्रदर्शित झाला.
Sacnilkच्या आकडेवारीनुसार, चित्रपटाने दुसऱ्या दिवशी ८,०७१ शोमधून १३.५० कोटी रुपये (नेट) कमावले. पहिल्या दिवशीच्या ५.७५ कोटी रुपयांच्या तुलनेत ही तब्बल १३४.८ टक्क्यांची वाढ आहे. दोन दिवसांत चित्रपटाची भारतातील नेट कमाई १९.२५ कोटी रुपये, तर ग्रॉस कमाई २२.९१ कोटी रुपये झाली आहे.
परदेशातील ३.५० कोटी रुपयांच्या ग्रॉस कमाईसह ‘बटवारा १९४७’चे वर्ल्डवाइड ग्रॉस कलेक्शन २६.४१ कोटी रुपये झाले आहे.
स्वातंत्र्यदिनाच्या लाँग वीकेंडमध्ये दोन्ही चित्रपटांच्या कमाईकडे सर्वांचे लक्ष लागले आहे. मात्र, सुरुवातीच्या दोन दिवसांच्या आकडेवारीवर नजर टाकल्यास ‘आवारापन २’ने ‘बटवारा १९४७’च्या तुलनेत जवळपास तीनपट अधिक देशांतर्गत नेट कमाई केली आहे.
नितीन कक्कर दिग्दर्शित ‘आवारापन २’मध्ये इम्रान हाश्मी पुन्हा एकदा शिवम पंडितच्या भूमिकेत दिसत आहे. दिशा पटानी, शबाना आझमी, श्रिया सरन आणि शाद रंधावा यांच्याही महत्त्वाच्या भूमिका आहेत.
Govinda: ‘स्वतःच्या मर्यादेत रहा…’ गोविंदाचा सुनिता अहुजावर पलटवार, ‘Sugar Daddy’ टोमण्यावर भडकला
