(फोटो सौजन्य- सोशल मीडिया)
IIFA Event: बॉलिवूडमधील लोकप्रिय अभिनेत्री करीना कपूर आणि अभिनेता शाहिद कपूर यांची भेट सध्या चर्चेचा विषय ठरत आहे. मुंबईत २२ ऑक्टोबर रोजी पार पडलेल्या IIFA 2027 च्या पत्रकार परिषदेत बॉलिवूडमधील अनेक कलाकारांनी हजेरी लावली होती. सलमान खान, वरुण धवन, शाहिद कपूर, रश्मिका मंदाना, करीना कपूर यांच्यासह अनेक स्टार्स या कार्यक्रमात सहभागी झाले होते. याचवेळी करीना आणि शाहिद यांच्यातील एका खास क्षणाने सर्वांचे लक्ष वेधून घेतले.
IIFA 2027 च्या पत्रकार परिषदेदरम्यान शाहिद कपूर पाहुण्यांमध्ये बसला होता. त्याचवेळी करीना कपूर त्याला भेटण्यासाठी आली. करीनाने शाहिदची भेट घेत त्याला मिठी मारली. यावेळी दोघांमध्ये काही क्षण संवादही झाला. त्यांची ही भेट कॅमेऱ्यात कैद झाली असून, या खास क्षणाचा व्हिडीओ सध्या सोशल मीडियावर व्हायरल होत आहे.
शाहिद कपूर आणि करिना कपूर यांच्यातलं प्रेमप्रकरण काही वर्षांपूर्वी खूप गाजलं होते. दोघांनीही एकमेकांवर जीवापाड प्रेम केले होते. परंतु काही कारणास्तव या दोघांचा ब्रेकअप झाला आणि सर्वांनाचा मोठा धक्का बसला. त्यानंतर शाहिदने मीराशी आणि करीनाने सैफ अली खानसोबत लग्न केले. आता हे दोघेही आपापलं आयुष्य जगत आहेत. दोघेही आयुष्यात पुढे गेले असले तरी त्यांच्यातली मैत्री आणि एकमेकांविषयीचा आदर तसाच आह, याची जाणीव हा व्हिडिओ पाहिल्यानंतर झाली.
करिना आणि शाहिदच्या व्हायरल व्हिडिओवर नेटकऱ्यांनी अनेक प्रतिक्रिया दिल्या आहेत. एकाने कमेंट केली, “परफेक्ट जोडी, ते एकमेकांसाठीच बनले होते, पण नशिबाने वेगळाच डाव साधला.” दुसऱ्याने लिहिले, “माझे आवडते गीत आणि आदित्य, त्यांना पुन्हा एकदा पडद्यावर एकत्र पाहता आले असते तर किती छान झाले असते.” आणखी एकाने लिहिले, “मी या क्षणाची वाट पाहत होतो, माझी आवडती बेबो आणि शाहिद कायमचे.” आणखी एकाने लिहिले, “ते एकत्र खूप छान दिसतात. त्यांना पाहूनच माझे डोळे भरून येतात.”
.png "Videos"){kind=small}
