Netflix Top 10 Movies Today: OTT प्रेमींसाठी मोठी अपडेट!
वीकेंडला घरी निवांत बसून एखादा चांगला सिनेमा पाहायचा म्हटलं की सर्वात मोठा प्रश्न असतो तो म्हणजे, नेमकं काय पाहायचं? Netflix वर रोज नवनवीन चित्रपट आणि मालिका येत असल्यामुळे पर्यायांची कमतरता नाही. पण पर्याय जास्त झाले की गोंधळही वाढतो. कोणत्या चित्रपटामध्ये थिर्लेर, रोमॅटींक असले. जो पाहिल्यावर विंकेड परफेक्ट वाटेल. असे चित्रपट पुढीलप्रमाणे,
या यादीतील पहिल्या क्रमांकावर असलेला ‘प्यार प्रेमा कल्याणम’ नातेसंबंधातील मजेशीर गोंधळ दाखवतो. पावी ही सोशल मीडिया इन्फ्लुएन्सर लग्नानंतरही आपल्या माहेरचं घर सोडायला तयार नसते. त्यामुळे तिचा नवरा इलानही तिच्यासोबत राहण्याचा निर्णय घेतो. दोन कुटुंबं एकाच घरात आली की काय काय घडू शकतं, याची गंमतीदार झलक या कथेत पाहायला मिळते.
शाहिद कपूर, रश्मिका मंदाना आणि कृती सॅनॉन यांच्या प्रमुख भूमिका असलेला ‘कॉकटेल 2’ प्रेमाच्या गुंतागुंतीवर आधारित आहे. कुणाल आणि दिया यांच्या नात्यात एका सहलीनंतर बदल होऊ लागतो. दियाची मैत्रीण अॅली या नात्यात आल्यावर परिस्थिती आणखी बिघडते. प्रेम, गैरसमज आणि नात्यांची परीक्षा यामुळे कथा पुढे सरकते. Netflix Top 10 Movies Today:
गुन्हेगारी जगतातील कुख्यात नाव असलेल्या एल चापोवर आधारित हा माहितीपट आहे. मेक्सिकोतील सिनालोआ कार्टेलच्या या प्रमुखाचा उदय कसा झाला आणि पुढे त्याचं साम्राज्य कसं कोसळलं, याचा मागोवा यात घेतला आहे. खऱ्या घटनांवर आधारित कथा आवडणाऱ्यांसाठी हा वेगळा अनुभव ठरू शकतो.
एका कुटुंबाच्या घराभोवती अचानक विचित्र परिस्थिती निर्माण होते. जेसन, त्याची पत्नी आणि त्यांची दोन मुलं घरातून बाहेर पडू शकत नाहीत. खिडक्या स्वतःहून बंद होतात आणि बाहेरील जगाशी संपर्क तुटतो. त्यानंतर त्यांना समजतं की अशी परिस्थिती फक्त त्यांच्या घरापुरती मर्यादित नाही.
इम्तियाज अली यांच्या दिग्दर्शनातील ही भावनिक कथा भूतकाळ आणि वर्तमानकाळ यांना जोडते. निर्वैर आपल्या आजोबांच्या धूसर होत चाललेल्या आठवणी समजून घेण्याचा प्रयत्न करतो. या आठवणींमधून त्याला 1947 च्या काळातील एका अपूर्ण प्रेमकथेची माहिती मिळते. जुन्या नात्यांचा आणि कुटुंबाच्या आठवणींचा हा प्रवास भावनिक ठरतो.
या चित्रपटात पती-पत्नीच्या नात्यातील संघर्ष दाखवण्यात आला आहे. वीरा घर सांभाळत असताना त्याची पत्नी कीर्ती कुस्तीच्या मैदानात आपली ओळख निर्माण करत असते. मुलीच्या संगोपनावरून दोघांमध्ये मतभेद वाढतात. त्यात एक जुना प्रतिस्पर्धीही अडचणी निर्माण करतो. नातं वाचवण्यासाठी वीरा पुन्हा पत्नीच्या पाठीशी उभा राहतो.
‘ट्रस्ट’ ही एका माजी बालकलाकाराची थरारक कथा आहे. तिची खासगी माहिती इंटरनेटवर लीक झाल्यानंतर तिचं आयुष्य अचानक चर्चेच्या भोवऱ्यात सापडतं. प्रसारमाध्यमांपासून दूर राहण्यासाठी ती एका निर्जन ठिकाणी जाते. मात्र तिथे गेल्यानंतरही परिस्थिती तिची पाठ सोडत नाही.
लग्नाच्या उंबरठ्यावर उभा असलेला इधया अचानक अस्वस्थ होतो. आपल्या मनातील जुन्या आठवणी त्याला पुन्हा त्रास देऊ लागतात. शाळा आणि कॉलेजच्या दिवसांत मनात राहिलेलं एकतर्फी प्रेम त्याच्या डोळ्यांसमोर येतं. त्यामुळे हा चित्रपट प्रेमासोबतच जुन्या आठवणींची हळवी बाजू दाखवतो.
सनी देओलचा ‘इक्का’ हा कोर्टरूम थ्रिलर आहे. अर्जुन मेहरा हा तत्त्वांशी तडजोड न करणारा वकील आहे. मात्र एका श्रीमंत राजकीय कुटुंबातील तरुणावर खुनाचा आरोप झाल्यानंतर त्याच्यासमोर कठीण प्रकरण येतं. सत्य, पैसा आणि न्याय यांच्यातील संघर्ष ही या चित्रपटाची मुख्य बाजू आहे.
राम चरणची प्रमुख भूमिका असलेला ‘पेड्डी’ एका सामान्य कामगाराच्या मोठ्या स्वप्नाची कथा सांगतो. छोट्या गावातून आलेला पेड्डी क्रिकेटमधील आपली क्षमता ओळखतो आणि पुढे मोठ्या स्तरावर पोहोचण्याचा प्रयत्न करतो. वैयक्तिक दुःख, व्यवस्थेची उदासीनता आणि गावासाठी काहीतरी करण्याची जिद्द या सगळ्यामुळे त्याचा प्रवास खास बनतो.
Netflix वरील ही यादी पाहिली तर एक गोष्ट स्पष्ट होते की,सध्या एकाच प्रकारचे सिनेमे नको आहेत. कुणाला प्रेमकथा आवडते, तर कुणाला थरार; काही जणांना खऱ्या घटनांवर आधारित माहितीपट पाहायला आवडतो. त्यामुळे या दहापैकी तुमच्या मूडला कोणता सिनेमा जुळतो, हे ठरवा आणि मग वॉचलिस्ट तयार करा.
.png "Videos"){kind=small}
