Russia Ukraine War :युक्रेनचा रशियाच्या AI डेटा सेंटरवर ड्रोन हल्ला

Russia Ukraine War : युक्रेनने रशियातील यांडेक्सच्या कालुगा आणि रियाझान प्रदेशातील डेटा सेंटरवर सलग दोन दिवस ड्रोन हल्ले केले. सासोवो येथील केंद्रात AI प्रशिक्षणासाठी वापरले जाणारे दोन सुपरकॉम्प्युटर आहेत. या हल्ल्यांमुळे रशियाच्या डिजिटल पायाभूत सुविधांच्या सुरक्षिततेचा प्रश्न ऐरणीवर आला आहे.

• दोन दिवसात दोन डेटा सेंटरवर हल्ले
• AI विकसित करणाऱ्या सुपरकम्प्युटरवर परिणाम होण्याची शक्यता
• रशियाच्या हल्ल्यानां प्रतिउत्तर देण्याची युक्रेनची रणनीती

Russia Ukraine War : रशिया आणि युक्रेन मधील युद्ध काही केल्या थांबायचे नाव घेत नाही . हे युद्ध आता अनेक पातळ्यांवर सुरु झालेले आहे . युक्रेनने आधीच रशियाच्या तेल साठ्यावर हल्ला केल्याचा दावा केला आहे . दोन्ही देशांकडून एकमेकांच्या डिजिटल पायाभूत सुविधांनाही लक्ष केले जात आहे .

युक्रेनने रशियाची आघाडीची तंत्रज्ञान कंपनी यांडेक्सच्या ( Yandex ) डेटा सेंटरवर ड्रोन हल्ले केल्याची माहिती समोर आली आहे . या हल्ल्यांमुळे कृत्रिम बुद्धिमत्ता ( AI ) विकसित करण्यासाठी वापरल्या जाणाऱ्या संगणकीय परिणाम होण्याची शक्यता आहे .

दोन दिवसात दोन डेटा सेंटरवर हल्ले

रशियातील यांडेक्सच्या डेटा सेंटरला गुरुवारी ८ ऑक्टोबर रोजी रियाझान प्रदेशातील सासोवो येथे ड्रोन हल्ल्याचा फटका बसला . या हल्ल्यानंतर केंद्रात आग लागली आणि त्याचे कामकाज पूर्णपणे थांबवावे लागले . त्यानंतर शुक्रवारी ९ ऑक्टोबर रोजी मोस्कोच्या नैऋत्येकडील कालुगा प्रदेशातील यांडेक्सच्या दुसऱ्या डेटा सेंटरवर ड्रोन हल्ला झाला . या हल्ल्यात केंद्रातील काही मॉड्यूल पूर्णपणे बंद पडल्याचे कंपनीने सांगितले . दुसऱ्या हल्ल्यात डेटा सेंटरचे नुकसान झाले असून काही सेवांमध्ये व्यत्यय येण्याची शक्यता कंपनीने व्यक्त केली आहे .

USA Elections: अमेरिकेच्या SIRमधून 2 लाख भारतीय मतदारांची नावे यादीतून वगळली जाणार? ट्रम्प यांची चिंता वाढली

AI विकसित करणाऱ्या सुपरकम्प्युटरवर परिणाम होण्याची शक्यता

सासोवा येथील डेटा सेंटरमध्ये यांडेक्सचे तीनपैकी दोन सुपरकम्प्युटर ठेवण्यात आले आहेत . या अत्याधुनिक संगणकाचा वापर कंपनीच्या AI मॉडेल्सच्या विकासासाठी आणि प्रशिक्षणाची केला जातो . त्यामुळे या केंद्रावरील हल्ला रशियाच्या कृत्रिम बुद्धिमत्ता क्षेत्रासाठी महत्वाचा ठरू शकतो .

हल्ल्यानंतर केंद्रातील उपकरणांचे किती नुकसान झाले आहे . याचा कंपनीकडून आढावा घेतला जात आहे . नुकसान झालेली यंत्रणा पुन्हा कार्यन्वित करता येईल कि नाही , हे अद्याप स्पष्ट झालेले नाही . या हल्ल्यामुळे यांडेक्सच्या काही डिजिटल सेवांवरील परिणाम झाला होता .

Donald Trump यांची नोबेलची इच्छा अधुरीच! भारतीय वंशाच्या नावी पिल्लई यांना शांततेचा पुरस्कार जाहीर!

रशियाच्या हल्ल्यानां प्रतिउत्तर देण्याची युक्रेनची रणनीती

गेल्या काही आठवड्यात रशियाने युक्रेनमधील डेटा सेंटर आणि दूरसंचार पायाभूत सुविधांवर हल्ले केले आहेत . यामुळे युक्रेनमधील इंटरनेट सेवा आणि डिजिटल व्यवस्थेला फटका बसला आहे . युक्रेनचे राष्ट्राध्यक्ष झेलेन्स्की यांनी रशियाच्या हल्ल्यानां प्रतिउत्तर देण्याची भूमिका मांडली आहे .

दोन्ही देशांकडून आता ऊर्जा प्रकल्प ,तेल शुद्धीकरण कारखाने , बंदरे आणि डिजिटल केंद्रांना लक्ष केले जात असल्याचे चित्र आहे . यांडेक्सच्या दोन केंद्रावरील हल्ल्यांमुळे या संघर्षात तंत्रज्ञान क्षेत्रात महत्व अधोरेखित झाले आहे . मात्र AI प्रणालींना प्रत्यक्ष किती नुकसान झाले आणि त्याचा दीर्घकालीन परिणाम काय असेल , हे अद्याप स्पष्ट झालेले नाही .