Pallavi Joshi: ‘पल्लवी जोशींना त्यांच्या कर्तृत्वाने ओळखा’; ‘पत्नी’ उल्लेखावर विवेक अग्निहोत्रींची नाराजी

Pallavi Joshi: अभिनेत्री पल्लवी जोशी यांचा ‘विवेक अग्निहोत्री यांच्या पत्नी’ असा उल्लेख केल्याने विवेक अग्निहोत्रींनी नाराजी व्यक्त केली. पल्लवींच्या स्वतंत्र कर्तृत्वाचा दिला दाखला.

Pallavi Joshi: अभिनेत्री आणि निर्माती पल्लवी जोशी यांची नुकतीच केंद्रीय चित्रपट प्रमाणन मंडळाच्या (CBFC) नव्या 18 सदस्यीय बोर्डावर नियुक्ती करण्यात आली आहे. केंद्र सरकारने 16 सप्टेंबर रोजी नव्या बोर्डाची घोषणा केली. या बोर्डात पल्लवी जोशी यांच्यासह प्रीती झिंटा, पंकज त्रिपाठी, सुनील शेट्टी, रूपाली गांगुली यांसारख्या मनोरंजन क्षेत्रातील अनेक कलाकारांचा समावेश आहे.

पल्लवी जोशी यांच्या नियुक्तीनंतर एका वृत्तात त्यांचा परिचय ‘फिल्ममेकर विवेक अग्निहोत्री यांच्या पत्नी’ असा करण्यात आला. या उल्लेखावर त्यांचे पती आणि दिग्दर्शक विवेक रंजन अग्निहोत्री यांनी सोशल मीडियावर नाराजी व्यक्त केली आहे. पल्लवी जोशी यांची स्वतःची प्रदीर्घ व्यावसायिक कारकीर्द आणि ओळख असताना त्यांच्या परिचयात पतीचा संदर्भ प्रामुख्याने का देण्यात आला, असा सवाल त्यांनी उपस्थित केला.

‘पल्लवी जोशी यांची स्वतःची ओळख आहे’

विवेक अग्निहोत्री यांनी सोशल मीडिया पोस्टमध्ये संबंधित रिपोर्टच्या मांडणीवर टीका केली. त्यांनी पल्लवी जोशी यांच्या अभिनय, टेलिव्हिजन, सिनेमा आणि प्रोडक्शन क्षेत्रातील कामाचा उल्लेख करत त्यांच्या स्वतंत्र कारकीर्दीवर भर दिला.

पल्लवी जोशी यांनी लहान वयात अभिनयाला सुरुवात केली असून, त्यांच्या दीर्घ कारकीर्दीत अभिनयासोबतच निर्मिती क्षेत्रातही काम केलं आहे. विवेक अग्निहोत्री यांनी त्यांच्या पोस्टमध्ये पल्लवी जोशी यांच्या कामगिरीचा संदर्भ देत, एखाद्या यशस्वी महिलेची ओळख तिच्या पतीच्या नात्यानेच करून देण्याच्या पद्धतीवर प्रश्न उपस्थित केला.

Pehla Pyaar Doosri Baar: ‘पहला प्यार दूसरी बार’चा फर्स्ट लुक आऊट; लव रंजनच्या चित्रपटातून कोणते ६ कलाकार करणार डेब्यू?

पल्लवी जोशींच्या प्रोडक्शन कामाचाही उल्लेख

विवेक अग्निहोत्री यांनी पल्लवी जोशी यांच्या निर्मिती क्षेत्रातील योगदानाचाही उल्लेख केला. त्यांनी ‘आरोहण’ या प्रोजेक्टचा दाखला दिला. भारतीय नौदलातील महिलांवर केंद्रित या प्रोजेक्टच्या निर्मितीचा संदर्भ देत त्यांनी पल्लवी यांच्या स्वतंत्र कामाची आठवण करून दिली.

विवेक अग्निहोत्री यांनी आपल्या पोस्टमध्ये संबंधित माध्यमांच्या मांडणीवर तीव्र शब्दांत नाराजी व्यक्त केली. त्यांच्या मते, पल्लवी जोशी यांची ओळख त्यांच्या स्वतःच्या कामातून आणि उपलब्धींमधूनही समोर यायला हवी.

Ankita Walawalkar On Pregnancy: ‘मला स्वतःला आई म्हणून बघायचंय…’; मातृत्वाबाबत अंकितानं केलं मन मोकळं

पल्लवी जोशींची CBFC बोर्डावर नियुक्ती

दरम्यान, केंद्र सरकारने नव्याने गठित केलेल्या CBFC बोर्डाचा कार्यकाळ तीन वर्षांचा किंवा पुढील आदेशापर्यंत, यापैकी जे आधी असेल तोपर्यंत असणार आहे. या 18 सदस्यीय बोर्डात पल्लवी जोशी यांच्यासह प्रीती झिंटा, पंकज त्रिपाठी, सुनील शेट्टी, रूपाली गांगुली, प्रोसेनजीत चॅटर्जी, प्रियदर्शन, रिकी केज आणि इतरांचा समावेश आहे.

पल्लवी जोशी यांच्या परिचयावरून सुरू झालेल्या या चर्चेत विवेक अग्निहोत्री यांनी त्यांच्या पत्नीच्या वैयक्तिक नात्यापेक्षा त्यांच्या व्यावसायिक कारकीर्दीला आणि स्वतंत्र ओळखीला महत्त्व देण्याचा मुद्दा मांडला आहे.