(फोटो सौजन्य- इन्स्टाग्राम)
मराठी मनोरंजन सृष्टीत सध्या लग्नसराई सुरू आहे. मालिकाविश्वातील अनेक अभिनेत्रींनी या वर्षी आपल्या नवीन आयुष्याला सुरूवात केली आहे. ईशा डे, रूमानी खरे, अपूर्वा गोरे, रेवती लेले यांच्यानंतर आणखी एक अभिनेत्री विवाहबंधनात अडकली आहे. ‘उदे गं अंबे’ फेम अभिनेत्री मयुरी कापडणेने नुकतच लग्न केले आहे. मयुरीने स्वप्नील मराठे यांच्याशी लग्नगाठ बांधली आहे. कुटुंबीय आणि नातेवाईकांच्या उपस्थिती मयुरी आणि स्वप्नील यांचा विवाहसोहळा पार पडला. आता सोशल मीडियावर त्यांच्या लग्नाचे फोटो व्हायरल होत आहेत. मयुरीने आपल्या नात्याबद्दल कोणतीही अधिकृत घोषणा केली नव्हती. मात्र लग्नाच्या व्हिडिओ आणि फोटोंमुळे चाहत्यांना सुखद धक्का बसला आहे.
अभिनेत्री मयुरी कापडणे आणि युवा उद्योजक स्वप्नील मराठे यांचा 27 मार्च रोजी विवाह सोहळा पार पडला.सध्या या दोघांचे फोटो आणि व्हिडिओ व्हायरल होत असून चाहते या दोघांना वैवाहिक आयुष्यासाठी शुभेच्छा देत आहेत, विशेष म्हणजे अभिनेत्रीने याबद्दल अद्यापही कोणतीही पोस्ट केली नाहीये.
मयुरीने मराठी आणि हिंदी टीव्ही इंडस्ट्रीमध्ये विविध मालिकांमधून आपली ओळख निर्माण केली आहे. ती पुढील मालिकांमध्ये झळकली आहे. माझा होशील ना’, ‘घाडगे अँड सून’, ‘जय देवा श्री गणेशा’, ‘सरस्वती’, ‘छत्रीवाली’, ‘देवीलोक’, जाऊ नको दूर बाबा या मालिकांमध्ये ती झळकली. स्टार प्रवाहवरील ‘उदे गं अंबे’ या मालिकेने मयुरीला लोकप्रियता मिळवून दिली. या मालिकेत तिने देवी अंबाबाईची भूमिका साकारली होती. या मालिकेमुळे तिल्या खऱ्या अर्थाने ओळख मिळाली आहे. ‘तेरी लाडली मै’ या हिंदी मालिकेतही ती झळकली आहे.तर तिचा जोडीदार ठाण्यातील युवान ग्रुपचे स्वप्नील मराठे हे रिअल इस्टेट, चित्रपट निर्मिती आणि सामाजिक श्रेत्रात सक्रिय आहेत. त्यांच्या युवान फाउंडेशनमार्फत गरीब अनाथ मुलांच्या शिक्षणाचा खर्च केला जातो. त्यांनी नुकताच कडीपत्ता या मराठी चित्रपटाची निर्मिती केली आहे.
.png "Videos"){kind=small}
