Bigg Boss Marathi 6: लय भारी! बिग बॉस मराठीच्या ६ व्या सीझनची ट्रॉफी पाहिलीत का, पहिली झलक आली समोर; पाहा Video

बिग बॉस मराठी सीझन ६ ची ट्रॉफी कोण उचलणार आहे. दरम्यान कलर्स मराठीने एक पोस्ट शेअर केली असून ही महाट्रॉफीची पहिली झलक आहे.

• अक्षय तृतीयाच्या शुभ मुहूर्तावर या सीझनचा ग्रँड फिनाले पार पडणार
• बिग बॉस मराठी सीझन ६ ची ट्रॉफी कोण उचलणार
• महाट्रॉफीची पहिली झलक आली समोर

मराठी मनोरंजनसृष्टीतला लोकप्रिय शो बिग बॉस मराठी सीझन ६ अंतिम टप्प्यात येऊन पोहोचला आहे. आज, म्हणजेच अक्षय तृतीया (रविवार, १९ एप्रिल २०२६) या शुभ मुहूर्तावर या सीझनचा ग्रँड फिनाले पार पडणार आहे. गेले 100 दिवस बिग बॉसच्या घरात स्पर्धकांनी राडा घातला होता. आज अखेर तीन महिन्यांचा प्रवास संपणार आहे. या घरात राडे, मैत्री, दुश्मन, मतभेद, आणि आपुलकी पाहिला मिळाली. याच बरोबर प्रत्येक विकेंडच्या वारला भाऊच्या धक्क्यावर रितेश देशमुखने सदस्यांची शाळा देखील घेतली. आता महाराष्ट्र बिग बॉस मराठीच्या ६ व्या सीझनचा विजेता कोण ठरणार याची वाट बघत आहे. सध्या सुरू असलेल्या ऑनलाइन वोटिंगच्या ट्रेंडनुसार, तन्वी कोलते आणि राकेश बापट यांच्यात विजेतेपदासाठी लढत सुरू आहे. हे दोघेही सध्या पुढे दिसत आहेत.

बिग बॉस मराठी सीझन ६ ची ट्रॉफी कोण उचलणार आहे. याची सगळ्यांना उत्सुकता लागली आहे. दरम्यान कलर्स मराठीने एक पोस्ट शेअर केली आहे. ज्यात सीझन सहाची महाट्रॉफी दिसत आहे. ही महाट्रॉफीची पहिली झलक आहे. सोनेरी रंगांच्या या चमकदार ट्रॉफीने स्पर्धकांसोबतच प्रेक्षकांच्या मनात घर केले आहे. ट्रॉफी ‘Bigg Boss मराठी Winner Season 6’ असे लिहिलं आहे. सुंदर ट्रॉफी पाहून घरातील सदस्य भावुक झाले.

See more

Bigg Boss Marathi 6: बिग बॉस मराठी ६ च्या विजेत्याला ट्रॉफीसह मिळणार तब्बल ‘एवढे’ लाख, ‘हा’ स्पर्धक मारणार बाजी?

बिग बॉस मराठी ६ च्या विजेत्याला यंदा १५ लाख रुपये रोख बक्षीस आणि आकर्षक ट्रॉफी दिली जाणार आहे. सुरुवातीला बक्षीस रक्कम कमी होती, मात्र Rakhi Sawant ने ७ लाख रुपये पूलमध्ये वाढवले, अशी माहिती समोर आली आहे.त्यामुळे एकूण बक्षीस रक्कम वाढून १५ लाखांपर्यंत पोहोचली आहे. यामुळे स्पर्धकांमध्ये जिंकण्याची उत्सुकता आणखी वाढली आहे.

महावतार नरसिंह’च्या भव्य यशानंतर दुसऱ्या अध्यायाची तयारी पूर्ण; होम्बले फिल्म्स ‘या’ दिवशी करणार मोठी घोषणा

टॉप-५ फायनलिस्ट कोण?

• तन्वी कोलते
• राकेश बापट
• अनुश्री माने
• विशाल कोटियन
• दिपाली सय्यद

बिग बॉस मराठी ६ चा बहुप्रतीक्षित ग्रँड फिनाले आज, रविवार (१९ एप्रिल २०२६) रोजी रंगणार आहे. हा अंतिम सोहळा रात्री ८ वाजल्यापासून प्रेक्षकांना पाहायला मिळणार आहे.या सीझनचा विजेता रात्री साधारण ११ ते १२ वाजण्याच्या दरम्यान जाहीर केला जाण्याची शक्यता आहे