(फोटो सौजन्य- सोशल मीडिया)
Bigg Boss Marathi 7: छोट्या पडद्यावरील लोकप्रिय रिअॅलिटी शो ‘बिग बॉस मराठी’च्या सातव्या पर्वाची चर्चा सुरू झाली आहे. सहा महिन्यांपूर्वी बिग बॉस मराठीचा सहावा सीझन प्रेक्षकांच्या भेटीला आला होता. या पर्वात स्पर्धकांनी आपल्या खेळाने आणि वादविवादांनी चांगलीच रंगत आणली होती. तन्वी कोलतेने या सीझनचे विजेतेपद पटकावले होते. आता चाहत्यांना बिग बॉस मराठीच्या सातव्या पर्वाची उत्सुकता लागली आहे. अशातच सोशल मीडियावर एक पोस्ट व्हायरल होत असून यामध्ये संभाव्य स्पर्धकांची नावेही समोर आली आहेत.
बिग बॉस मराठी सीझन ७ कधी सुरू होणार, याबाबत अद्याप कोणतीही अधिकृत घोषणा करण्यात आलेली नाही. त्यामुळे या नव्या पर्वात कोणते कलाकार सहभागी होणार, याकडे चाहत्यांचे लक्ष लागले आहे. दरम्यान, सोशल मीडियावर व्हायरल होत असलेल्या पोस्टमध्ये अनेक मराठी कलाकारांचे फोटो शेअर करण्यात आले आहेत. हे कलाकार बिग बॉस मराठीच्या सातव्या पर्वात सहभागी होणार असल्याची चर्चा रंगली आहे.
व्हायरल पोस्टनुसार, यूट्यूबर आणि गेमर श्रीमान लेजंट, लोकप्रिय गायक संजू राठोड, विवेक रुपेश, मनोज पाटील, कॉमेडियन प्रणित मोरे, अभिनेता आकाश ठोसर आणि अभिनेता विनायक माळी यांची नावे संभाव्य स्पर्धक म्हणून चर्चेत आहेत. या कलाकारांचे फोटो पोस्टमध्ये पाहायला मिळत आहेत. त्यामुळे हे कलाकार बिग बॉसच्या घरात दिसणार का, याबाबत चाहत्यांमध्ये उत्सुकता निर्माण झाली आहे.
मात्र, या व्हायरल पोस्टमधील नावांबाबत अद्याप निर्माते किंवा वाहिनीकडून कोणतीही अधिकृत माहिती देण्यात आलेली नाही. त्यामुळे या कलाकारांचा बिग बॉस मराठी ७ मधील सहभाग निश्चित मानता येणार नाही. ही केवळ सोशल मीडियावर व्हायरल झालेली पोस्ट आहे. आता बिग बॉस मराठीच्या सातव्या पर्वाची अधिकृत घोषणा कधी होते आणि यंदा कोणते स्पर्धक घरात प्रवेश करतात, याकडे चाहत्यांचे लक्ष लागले आहे.
.png "Videos"){kind=small}
