( फोटो सौजन्य- सोशल मिडिया)
Marathi Serial: कलर्स मराठीवरील लोकप्रिय मालिका ‘मी जिंकून घेईन सारं’ सध्या रंजक वळणावर पोहोचली आहे. अनिकेत आणि छवीच्या आयुष्यात एकीकडे प्रेमाचे क्षण फुलत असताना दुसरीकडे शांभवीचे कटकारस्थान सुरूच आहे. मात्र, आता अनिकेत आणि छवीच्या घरवापसीने शांभवीसमोर नवे आव्हान उभे राहणार आहे.
बाईआजी अनिकेत आणि छवीच्या पाठीशी ठामपणे उभ्या राहिल्याने दोघांनाही मोठा आधार मिळाला आहे. बाईआजींनी त्यांची बाजू घेतल्याने शांभवीच्या मनातील संताप आणखी वाढला आहे. अनिकेत आणि छवी पुन्हा राजगुरूंच्या घरात प्रवेश करणार असल्याने घरातील नात्यांचे आणि सत्तासमीकरणाचे चित्र बदलणार आहे.
अनिकेत आणि छवी घराबाहेर असताना शांभवीने आपले डावपेच सुरू ठेवले आहेत. बाईआजींना त्रास देण्यापासून ते कियाराच्या खोट्या दुःखाचा फायदा घेण्यापर्यंत ती विविध प्रकारे आपले मनसुबे साध्य करण्याचा प्रयत्न करत आहे.
राजगुरू कंपनीच्या अकाउंट्सवर लक्ष ठेवून बाईआजींच्या नातवांना एकामागून एक घराबाहेर काढण्याचा तिचा डाव आहे. अनिकेतनंतर आता कियारालाही लक्ष्य करण्याचा विचार तिने कामिनीजवळ व्यक्त केला आहे. एवढेच नव्हे तर अनिकेतच्या दुखापतीचा फायदा घेत वत्सलाला छवीविरोधात भडकवण्याचा प्रयत्नही शांभवी करत आहे.
Toxic Movie Review: यशचा दमदार डबल रोल अन् खिळवून ठेवणारा सस्पेन्स, कसा आहे ‘टॉक्सिक’?
दरम्यान, अनिकेतने राजनाथच्या फोनचे लोकेशन ट्रॅक केले आहे. या शोधमोहिमेदरम्यान अनिकेत आणि छवीला शांभवीच्या भूतकाळाशी संबंधित काही महत्त्वाचे धागेदोरे मिळण्याची शक्यता आहे. तिच्या काळ्या भूतकाळाचा भक्कम पुरावा त्यांच्या हाती लागल्यास शांभवीसाठी परिस्थिती आणखी कठीण होणार आहे.
या सगळ्या तपासादरम्यान अनिकेत आणि छवीमध्ये प्रेमाचे क्षणही पाहायला मिळणार आहेत. पावसातली सायकल राईड, चहा आणि भुट्ट्याच्या निमित्ताने दोघांच्या नात्यातील जवळीक वाढताना दिसणार आहे.
शांभवी कियाराला आपल्या जाळ्यात ओढून राजगुरूंचे साम्राज्य उद्ध्वस्त करण्याचे स्वप्न पाहत आहे. मात्र, अनिकेत आणि छवी आता तिचे खरे रूप बाईआजींसमोर आणण्यासाठी सज्ज झाले आहेत. त्यातच शकुंतलाची सुटका आणि शांभवीच्या गुन्हेगारी पार्श्वभूमीचा पर्दाफाश करण्याचा निर्धार त्यांनी केला आहे.
आता अनिकेत-छवीच्या हाती लागलेला पुरावा शांभवीच्या संपूर्ण खेळाचा पर्दाफाश करणार का? की परिस्थिती हाताबाहेर जात असल्याचे लक्षात येताच शांभवी आणखी मोठा डाव खेळणार? हे पाहणे उत्सुकतेचे ठरणार आहे.
.png "Videos"){kind=small}
