Colors Marathi: ‘मी जिंकून घेईन सारं’: मालिकेमध्ये रंगणार दिवाळीचा खास सोहळा!

Colors Marathi: कलर्स मराठीवरील लोकप्रिय ‘मी जिंकून घेईन सारं’ मालिकेत दिवाळीनिमित्त विशेष भागांची मेजवानी प्रेक्षकांना पाहायला मिळणार आहे. लग्नानंतर अनिकेत आणि छवीची ही पहिली दिवाळी आणि पहिला पाडवा असल्याने त्यांच्या नात्याला नवी दिशा मिळणार आहे.

• ‘मी जिंकून घेईन सारं’ मालिकेत दिवाळी विशेष भागांची मेजवानी.
• अनिकेत आणि छवीचा लग्नानंतरचा पहिला दिवाळी पाडवा.
• जेसिकाच्या कटकारस्थानांमुळे मालिकेत नवा ट्विस्ट.

सध्या सगळीकडे दिवाळीचा मोठा उत्साह आणि आनंदी माहौल पाहायला मिळत आहे. कलर्स मराठी वाहिनीवरील मालिकांमध्येही सणांची हीच रोषणाई आणि खास ड्रॅमॅटिक ट्विस्ट प्रेक्षकांच्या भेटीस येत आहेत. ‘मी जिंकून घेईन सारं’ या लोकप्रिय मालिकेत लवकरच ‘दिवाली स्पेशल’ भाग रंगणार आहेत. लग्नानंतरचा पहिलाच दिवाळी सण आणि पहिला पाडवा असल्यामुळे अनिकेत आणि छवीसाठी हा सोहळा अत्यंत पाहुणचार अन् आनंदाचा ठरणार आहे.

अभ्यंगस्नान आणि पाडव्याची खास तयारी

या विशेष सप्ताहात घरातील सर्व सदस्य एकत्र येऊन नरक चतुर्दशी, लक्ष्मी पूजन आणि पहिला पाडवा मोठ्या उत्साहात साजरा करताना दिसतील. दिवाळीच्या या मंगलमयी वातावरणात एकत्र कंदील बनवणे, अभ्यंगस्नान आणि पाडव्याची खास तयारी यातून कुटुंबातील जिव्हाळा द्विगुणित झालेला दिसेल; पण या आनंदामागे कौटुंबिक वादळ आणि कटकारस्थानांची मोठी किनार असणार आहे. पहा मी जिंकून घेईन सारं दररोज संध्या ७ वा. आपल्या कलर्स मराठीवर. आणि कधीही कुठेही JioHotstar वर.

‘मी जिंकून घेईन सारं’ वेगळ्याच वळणावर, छवीसमोर उभं ठाकणार ‘शांभवी …

अनिकेत आणि छवीच्या नात्याला एक नवी आणि सुंदर दिशा

मालिकेत कियाराच्या व्हायरल व्हिडिओचा झालेला गैरसमज, बाई आजींची बिघडलेली प्रकृती आणि तात्या-जेसिकाचे षड्यंत्र या सर्व संकटांवर मात करत छवीने कुटुंबाची ढाल बनून उभे राहणे पसंत केले आहे. दिवाळीच्या या शुभमुहूर्तावर अनिकेत आणि छवीच्या नात्याला एक नवी आणि सुंदर दिशा मिळणार असून, पहिला पाडवा आणि लक्ष्मी पूजनाच्या निमित्ताने दोघांमधील विश्वास अधिक घट्ट होताना दिसेल.

कायदेशीर जाळ्यात अडकवण्याचे प्रयत्न

छवीने वकिलीच्या क्षेत्रात पाऊल ठेवून कायदेशीर लढाई सुरू केली आहे, तर दुसरीकडे अनिकेत तिच्यावर असलेल्या आपल्या प्रेमाची कबुली देण्यासाठी सज्ज झाला आहे. मात्र, जेसिकाचे नवनवीन कट, मिठाचा डबा असो वा करंजीतील कारस्थानं आणि कायदेशीर जाळ्यात अडकवण्याचे प्रयत्न, या सणाच्या उत्साहावर विरजण घालण्याचा प्रयत्न करतील.

Colors Marathi Mega Drama: ‘मी जिंकून घेईन सारं’मध्ये छवी-अनिकेत …

दिवाळी विशेष भाग प्रेक्षकांसाठी सस्पेन्स

एकीकडे प्रेमाची गोड टशन, लक्ष्मी पूजनाच्या दिवशी झालेला आमने-सामने ‘फेस-ऑफ’ आणि दुसरीकडे अनिकेतवर घोंघावणारे कायदेशीर संकट अशा हाय-व्होल्टेज वळणावर ही मालिका येऊन ठेपली आहे. जेसिकाच्या षड्यंत्रांमुळे अनिकेत अडचणीत आला तरी, छवी स्वतः वकील म्हणून त्याला यातून कशी सहीसलामत बाहेर काढते आणि आपले प्रेम व हक्क कसा सिद्ध करते, हे पाहणे कमालीचे उत्सुकतेचे ठरेल. त्यामुळे ‘मी जिंकून घेईन सारं’चा हा दिवाळी विशेष भाग प्रेक्षकांसाठी सस्पेन्स आणि भावनांची मोठी पर्वणी ठरणार आहे!