(फोटो सौजन्य- इन्स्टाग्राम)
बिग बॉस मराठीचा ६ वा सीझन आता शेवटच्या टप्प्यात येऊन पोहोचला आहे. बिग बॉस मराठीच्या 12 व्या आठवड्यात कोण घरा बाहेर जाणार याची जोरदार चर्चा सुरू होती. ते नाव अखेर समोर आले आहे. बिग बॉस मराठीच्या घरात नुकतेच 12 व्या आठवड्याचे एलिमिनेशन पार पडलं. यावेळी घरातील 6 सदस्य नॉमिनेट होते. खरंतर बिग बॉस मराठीच्या घरात या नॉमिनेशन टास्कदरम्यान मोठा राडा झाला होता. राकेशने विशालला नॉमिनेट केले होते. या कारणावरून या दोघांमध्ये मोठं भांडण झाले होते. विशालने राकेशच्या वैयक्तिक आयुष्यावर कमेंट केली होती, त्याच्या घटस्फोटाचा विषय शोमध्ये काढला होता. यामुळे राकेशच्या भावना दुखावल्या, इतकेच नव्हे तर जाब विचारल्यावर विशाल राकेशच्या अंगावर धावून गेल्याचं पाहायला मिळालं.
या दोघांची भांडणाचा परिणाम म्हणून बिग बॉसने या दोघांना थेट नॉमिनेट केलं होते. यावेळी घरातील एकूण 6 सदस्य नॉमिनेट होते. यांच्यामध्ये सागर कारंडे, राखी सावंत, राकेश बापट, अनुश्री माने, रेवा कौरासे, विशाल कोटियन या सदस्यांचा समावेश आहे. यांच्यापैकी कोणाचा प्रवास संपणार? याकडे सर्वांचे लक्ष लागलं होते. अखेर नुकत्याच पार पडलेल्या भाऊच्या धक्क्यावर सागर कारंडेने घराचा निरोप घेतल्याचं समोर आलं आहे.
सागरने स्वत:चा गेम खेळावा असं प्रेक्षकांचे म्हणणं होते. घराबाहेर पडल्यामुळे त्याची टॉप 7 मध्ये जाण्याची संधी थोडक्यात हुकली आहे. बिग बॉस मराठीच्या घराचा 84 वा दिवस सुरू आहे. येत्या काही दिवसांत शोमध्ये ग्रॅंड फिनाले पार पडणार आहे. त्यामुळे सागरच्या एलिमिनेशननंतर ‘बिग बॉस मराठी’ला टॉप ७ स्पर्धक भेटणार आहेत. आता यांच्यामध्ये बाजी कोण मारणार हे पाहणं महत्त्वाचं ठरणार आहे.
‘बिग बॉस मराठीच्या १२व्या आठवड्यातील भाऊचा धक्का एपिसोड खूपच गाजला.भाऊच्या धक्क्यावर रितेशने विशाल कोटियनची शाळा घेतल्याचं पाहायला मिळालं. राकेशच्या वैयक्तिक आयुष्यावर भाष्य केल्यामुळे “महाराष्ट्राला हे पटलेलं नाहीये” असं म्हणत रितेशने सुद्धा विशालला सुनावलं आहे.
.png "Videos"){kind=small}
