‘सेटवर सुरु झालेली कथा, अस्तित्वात उतरेल का ? ‘मोहिनी – प्रेमाची फिल्मी कहाणी’ मध्ये रंगणार प्रेमाची अनोखी गोष्ट

'मोहिनी - प्रेमाची फिल्मी कहाणी' ही प्रेम, स्वाभिमान आणि अहंकाराच्या संघर्षातून उभी राहणारी भावनिक मालिका लवकरच प्रेक्षकांच्या भेटीस येत आहे. येत्या २३ मार्चपासून कलर्स मराठीवर पाहायला मिळणार आहे.

• ‘मोहिनी – प्रेमाची फिल्मी कहाणी’ प्रेक्षकांच्या भेटीस
• कलर्स मराठीवर रंगणार प्रेमाची अनोखी गोष्ट
• ‘मोहिनी – प्रेमाची फिल्मी कहाणी’ कधी होणार सुरु?

 

चंदेरी दुनियेचं आकर्षण आणि सोन्याच्या पडद्याची जादू प्रत्येकालाच भुरळ घालते. या झगमगाटामागे दडलेल्या भावना, संघर्ष आणि स्वप्नांची गुंफण उलगडणारी एक वेगळी प्रेमकहाणी आता प्रेक्षकांच्या भेटीला येत आहे. ‘मोहिनी – प्रेमाची फिल्मी कहाणी’ ही नवी मालिका प्रेम, स्वाभिमान आणि अहंकार यांच्या संघर्षातून उभी राहणारी एक भावनिक आणि नाट्यमय कथा सादर करणार आहे. या मालिकेच्या प्रोमोने आधीच प्रेक्षकांचे मन जिंकले आहे, आणि उत्सुकता वाढवली आहे.

फिल्मी सेटवर वाढलेली एक साधी, पण जिद्दी मुलगी आणि त्याच इंडस्ट्रीवर राज्य करणारा एक अहंकारी सुपरस्टार अशा दोन टोकाच्या व्यक्तिमत्त्वांची ही कथा आहे. मोहिनी ही आयुष्याने खूप काही शिकवलेली, संकटांना तोंड देणारी, बहुआयामी आणि स्ट्रीट-स्मार्ट मुलगी आहे. स्वतःच्या कष्टांवर उभी राहण्याची जिद्द आणि आईचा हरवलेला सन्मान परत मिळवण्याचं स्वप्न हेच तिच्या आयुष्याचं ध्येय आहे.

Zee Natya Gaurav Puraskar 2026: “उत्सव रंगभूमीचा, सोहळा रंगकर्मींचा” दिग्गज कलाकारांच्या उपस्थितीत रंगला सोहळा

मध्यमवर्गीय वातावरणात वाढलेल्या मोहिनीच्या आयुष्यात तिची आई शालिनी ही खंबीर स्त्री आहे, जिने कठीण परिस्थितीतून स्वतःला आणि आपल्या मुलींना वाचवत आयुष्य उभं केलं. महेंद्र हा फिल्म इंडस्ट्रीतील ॲक्शन डायरेक्टर तिच्या कुटुंबाचा आधार बनतो. लाईट्स, कॅमेरा आणि मेकअप रूम्समध्ये वाढलेली मोहिनी पुढे जाऊन मेकअप आर्टिस्ट बनते. मात्र, तिच्या आयुष्यात मोठं वळण येतं जेव्हा तिची भेट होते लोकप्रिय आणि अहंकारी सुपरस्टार RK सोबत होते.

RK हा बाहेरून आत्मविश्वासू आणि शक्तिशाली दिसत असला, तरी त्याच्या भूतकाळात अनेक जखमा दडलेल्या आहेत. मोहिनी सन्मान आणि स्वतःची ओळख शोधत असते, तर RK आपल्या अहंकारात गुरफटलेला असतो. त्याच्या पहिल्याच भेटीत निर्माण होणारा संघर्ष हळूहळू एका गुंतागुंतीच्या नात्यात बदलतो. जे कधी सूडाने, कधी भावनांनी, तर कधी प्रेमाच्या वेगळ्या छटांनी भरलेलं आहे.

भारती सिंग आणि हर्ष लिंबाचियाने दुसरा मुलगा काजूची दाखवली झलक; ‘गोला’ला क्यूटनेसमध्ये दिली टक्कर

या मालिकेत कलाकारांची दमदार कास्ट पाहायला मिळणार आहे. शालिनीच्या भूमिकेत सोनाली पंडित नाईक, महेंद्रच्या भूमिकेत शांतनू मोघे, तर RK म्हणजेच सुपरस्टारच्या भूमिकेत समीर परांजपे दिसणार आहेत. तसेच मोहिनीची भूमिका अनघा ठाकूर साकारत आहे. याशिवाय श्वेता मेहेंदळे आणि सुशील विश्वकर्मा यांच्याही महत्त्वपूर्ण भूमिका आहेत. या मालिकेबद्दल बोलताना निर्माते आणि टीमने सांगितले की, ही कथा केवळ प्रेमकहाणी नाही, तर स्वतःची ओळख निर्माण करण्याचा, संघर्षातून उभं राहण्याचा आणि भावनांच्या गुंतागुंतीचा प्रवास आहे. अभिनेत्री सोनाली पंडित नाईक या दीर्घ काळानंतर छोट्या पडद्यावर पुनरागमन करत असून, त्यांची भूमिका या मालिकेचा एक मजबूत आधार ठरणार आहे.

कलर्स मराठीवर प्रसारित होणारी ही मालिका प्रेक्षकांना बॉलीवूडच्या चकाकीमागील गडद वास्तव दाखवणार आहे. विश्वासघात, सूड, स्वाभिमान आणि प्रेम यांसारख्या प्रभावी भावनांचा वेध घेत ही कथा प्रेक्षकांना एका भावनिक रोलरकोस्टरवर घेऊन जाणार आहे. मोहिनी आणि RK यांच्या आयुष्यात नियती कोणते वळण आणणार? अहंकारावर प्रेम मात करणार का? आणि मोहिनी तिचं स्वप्न पूर्ण करू शकेल का? या सगळ्या प्रश्नांची उत्तरं ‘मोहिनी – प्रेमाची फिल्मी कहाणी’ मालिकेतच मिळणार आहे.