(फोटो सौजन्य- इन्स्टाग्राम)
मराठी हिंदू नववर्ष सर्वांनी मोठ्या थाटात साजरा केला. अनेक सेलिब्रिटींनी गुढीपाडव्याच्या शुभमुहूर्तावर नवीन घर गाडी तर काहींनी नवीन व्यवसाय देखील सुरू केला. गुढीपाडवा हा साडेतीन मुहूर्तांपैकी एक असल्याने, या दिवशी नवीन गाडी किंवा घर खरेदी करणं, सोन विकत घेणं किंवा या दिवशी कोणत्याही नवीन गोष्टी सुरूवात करणं हे शुभ मानलं जातं.
गुढीपाडव्याच्या शुभमुहुर्तावर मराठी कलाविश्वातील आणखी एका अभिनेत्याने एक आनंदाची बातमी शेअर केली आहे. मराठी अभिनेता अभिजीत केळकर याने नुकतीच त्याच्या नव्या व्यवसायाची घोषणा केली आहे. त्याने त्याचा पारंपारिक मसाल्यांचा व्यवसाय सुरू केला आहे.भारतीय स्वयंपाकात मसाल्यांना अनन्यसाधारण महत्त्व आहे, आणि भारत हा जगातील सर्वात मोठा मसाला उत्पादक आणि निर्यातदार आहे. या पारंपारिक व्यवसायात मसाल्यांवर विशेष भर दिला गेला असून, स्वयंपाक घरातील या अनमोल घटकांना प्रोत्साहन देण्याचा उद्देश आहे.
View this post on Instagram
अभिनेता अभिजीत केळकरने आपला स्वतःचा पारंपारिक मसाल्यांचा ब्रँड “अस्सल केळकर मसाले” सुरू केला आहे. भारतीय स्वयंपाकात मसाल्यांना अनन्यसाधारण महत्त्व असून भारत हा जगातील सर्वात मोठा मसाला उत्पादक आणि निर्यातदार आहे. स्वयंपाक घरातील या अनमोल घटकांचा आदर ठेवत अभिजीतने हा व्यवसाय सुरू केला आहे.
“प्रत्येक घासात अस्सल चव… गुढीपाडव्याच्या शुभ मुहूर्तावर माझा स्वतःचा मसाल्याचा ब्रँड घेऊन मी तुमच्या भेटीला आलोय… तुमचे आशीर्वाद, शुभेच्छा आणि प्रतिसाद हवाय. गणपती बाप्पा मोरया!”
या उपक्रमाबद्दल त्याच्या सहकाऱ्यांनी आणि मित्र कलाकारांनीही कौतुक व्यक्त केले आहे. अभिजीत केळकर चा उपक्रम पारंपरिक स्वाद आणि आधुनिक व्यवसाय यांचा संगम ठरत आहे.
