(फोटो सौजन्य- इन्स्टाग्राम)
बिग बॉस मराठीच्या घरात नुकतंच ९ व्या आठवड्याचे एलिमिनेशन पार पडलं. यावेळी घरातून कोण घराबाहेर जाईल हे जाणून घेण्यासाठी सगळ्यांनाच उत्सुकता होती. सध्या एका सदस्याचे नाव समोर आले आहे. या आठवड्यात पत्राचा टास्क पार पडल्यानंतर तन्वी कोलते, प्राजक्ता शुक्रे, संकेत पाठक, दिपाली सय्यद, अनुश्री माने आणि रेवा कौरासे हे सहा सदस्य घरातून बाहेर होण्यासाठी नॉमिनेट झाले.
सध्या सोशल मीडियावर एका नावाची जोरदार चर्चा सुरू आहे. बिग बॉसच्या घरातून नवव्या आठवड्यात प्राजक्ता शुक्रे घराबाहेर पडली आहे. अशी माहिती समोर आली आहे. गेल्या अनेक आठवड्यांपासून प्राजक्ता सलग नॉमिनेशनमध्ये होती. ती वारंवार डेंजर झोनमध्ये असतानाही घरात टिकून राहिली होती. या काळात करण सोनावणे आणि रुचिता जामदार यांसारखे प्रबळ दावेदार घराबाहेर झाल्याचंही प्रेक्षकांनी पाहिलं.
मात्र अखेर Bigg Boss Marathi च्या नवव्या आठवड्यात प्राजक्ताचा शोमधील प्रवास संपल्याची माहिती समोर आली आहे. तिच्या एलिमिनेशनमुळे घरातील समीकरणांमध्ये मोठा बदल होण्याची शक्यता व्यक्त केली जात आहे.
प्राजक्ता शुक्रेचा गेम पहिल्या दिवसापासून फारसा दिसत नाहीये. ती घरातील कोणत्याही वादात दिसत नव्हती. करण सोनावणे बिग बॉसच्या घरात असताना प्राजक्ता शुक्रे त्याच्यासोबत गप्पा मारताना दिसायची. प्राजक्ता काटा किंवा टोळी.. यापैकी ती कोणत्याच ग्रुपची सदस्य नव्हती. सुरूवातीला प्राजक्ता, आयुष, करण आणि सचिन यांचा एक ग्रुप होता. मात्र आपल्या जवळच्या मित्रमंडळींट्या एलिमिनेशननंतर प्राजक्ता खचली होती. पण त्यानंतर तिने तिचा गेम आणखी स्ट्रॉंग केल्याचे दिसत होते,
View this post on Instagram
“फिल्म इंडस्ट्री मुलींना वेश्याव्यवसायाकडे ढकलते…”, बॉलिवूड अभिनेत्रीचा खळबळजनक दावा; म्हणाली, “कलाकारांना वापरून…”
प्राजक्ता शुक्रे ही बिग बॉस मराठीच्या सहाव्या सीझनची पहिली कॅप्टन ठरली होती. आपल्या खेळामुळे आणि नेतृत्वामुळे तिने घरात वेगळी छाप पाडली होती.दरम्यान, आता भाऊच्या धक्क्यावर घरातून नेमकं कोण एलिमिनेट होणार याची अधिकृत घोषणा शोचे होस्ट रितेश देशमुख करणार आहे. त्यामुळे या आठवड्यात घरातून कोण बाहेर पडणार याकडे प्रेक्षकांचे लक्ष लागले आहे.
