Raqesh Bapat: ‘नवरी मिळे हिटलरला’नंतर राकेश बापट पुन्हा छोट्या पडद्यावर; स्टार प्रवाहच्या नव्या मालिकेत साकारणार ‘ही’ दमदार भूमिका

Raqesh Bapat: राकेश बापटच्या वाढदिवशी स्टार प्रवाहने नव्या मालिकेची घोषणा केली. ‘तुझ्याकडे तुला मागणे’मध्ये राकेश अभिमान सरदेसाई या यशस्वी उद्योजक आणि राजकीय नेत्याची भूमिका साकारणार आहे.

राकेश बापटच्या वाढदिवशी स्टार प्रवाहचं खास गिफ्ट

राकेश बापटच्या नव्या मालिकेबद्दल चाहत्यांमध्ये उत्सुकता

अभिमान सरदेसाईच्या भूमिकेत दिसणार राकेश बापट

Raqesh Bapat: मराठी मनोरंजनविश्वातील लोकप्रिय अभिनेता राकेश बापटच्या चाहत्यांसाठी एक खास आनंदाची बातमी आहे. ‘नवरी मिळे हिटलरला’ मालिकेच्या तुफान यशानंतर राकेश बापट आता पुन्हा एका नव्या मालिकेतून प्रेक्षकांच्या भेटीला येणार आहे. विशेष म्हणजे, राकेशच्या वाढदिवसाच्या दिवशीच स्टार प्रवाहने त्याच्या नव्या मालिकेची घोषणा करत त्याला खास गिफ्ट दिलं आहे.

‘तुझ्याकडे तुला मागणे’ मालिकेत राकेश बापटची दमदार भूमिका

स्टार प्रवाहची आगामी मालिका ‘तुझ्याकडे तुला मागणे’ लवकरच प्रेक्षकांच्या भेटीला येणार असून, या मालिकेत राकेश एक अत्यंत प्रभावी आणि बहुआयामी भूमिका साकारणार आहे. राकेशच्या पात्राचं नाव अभिमान सरदेसाई असून, तो एक यशस्वी उद्योजक आणि राजकीय नेता असल्याचं समोर आलं आहे.

अभिमान सरदेसाई हे व्यक्तिमत्त्व प्रामाणिक आणि स्वच्छ प्रतिमा असलेलं आहे. व्यवसाय क्षेत्रात स्वतःचा ठसा उमटवण्यासोबतच राजकारणातही आपली वेगळी ओळख निर्माण केलेली व्यक्ती राकेश या मालिकेत साकारणार आहे. त्यामुळे या भूमिकेत राकेश बापटचा एक वेगळा अंदाज प्रेक्षकांना पाहायला मिळणार आहे.

See more

Govinda: फॅमिली फोटोत गोविंदा का नाही? कृष्णा अभिषेकसोबत सुनीता आहुजांनी साजरी केली राखी, ‘तो’ फोटो व्हायरल

‘नवरी मिळे हिटलरला’नंतर राकेश बापटची नवी इनिंग

राकेश बापटची लोकप्रियता आणि त्याचा दमदार अभिनय पाहता, ‘तुझ्याकडे तुला मागणे’ ही नवी मालिका प्रेक्षकांच्या पसंतीस उतरते का, हे पाहणं महत्त्वाचं ठरणार आहे.

स्टार प्रवाहने शेअर केलेल्या प्रोमोमध्ये राकेश ‘सिंगल फादर’च्या भूमिकेत दिसत आहे. ‘ईशानचा बाबा ही मीच आणि आई सुद्धा मीच,’ असं तो म्हणतोय.

या मालिकेची नेमकी कथा काय असेल?तसेच मालिकेत अजून कोणते पात्र असतील अभिमान सरदेसाईच्या आयुष्यात कोणते चढ- उतार येणार,याची उत्सुकता आता प्रेक्षकांना लागली आई. त्यामुळे राकेशची ही नवीन भूमिका चाहत्यांसाठी नक्कीच लक्षवेधी ठरणार आहे.

Badshah Divorce: अवघ्या ५ महिन्यांत मोडलं दुसरं लग्न; रॅपर बादशाहने केली घटस्फोटाची घोषणा, म्हणाला, “हा निर्णय एकमेकांबद्दल…”