Zee Marathi Serial: बायकोसाठी समरचं खास सरप्राईज! मॉडर्न लूकमध्ये दिसली स्वानंदी; ‘वीण दोघांतली ही तुटेना’चा नवा प्रोमो चर्चेत

Zee Marathi Serial: ‘वीण दोघांतली ही तुटेना’च्या नव्या प्रोमोमध्ये समर स्वानंदीसाठी खास सरप्राईज प्लॅन करतो. स्वानंदीचा मॉडर्न लूक आणि दोघांचा रोमँटिक अंदाज चर्चेत आहे.

Zee Marathi Serial: Zee Marathiवरील लोकप्रिय मालिका ‘वीण दोघांतली ही तुटेना’ सध्या प्रेक्षकांचं लक्ष वेधून घेत आहे. मालिकेतील समर आणि स्वानंदीच्या नात्यातील गोड क्षण चाहत्यांना विशेष आवडत आहेत. काही दिवसांपूर्वीच या दोघांनी एकमेकांसमोर आपल्या प्रेमाची कबुली दिली होती. त्यांच्या नात्यात अनेक अडथळे आले असले तरी मिस्टर अँड मिसेस राजवाडेंचं नातं दिवसेंदिवस आणखी घट्ट होताना दिसत आहे.

आता मालिकेच्या आगामी भागात समर स्वानंदीसाठी एक खास सरप्राईज प्लॅन करताना दिसणार आहे. झी मराठीने नुकताच या खास सरप्राईजचा प्रोमो सोशल मीडियावर शेअर केला आहे.

‘वेलकम टू समर कॅफे’; बायकोसाठी समरची खास तयारी

प्रोमोमध्ये समर स्वानंदीसाठी घरच्या घरी खास प्लॅनिंग करताना दिसत आहे. त्याने यासाठी सुंदर सजावट केली आहे. दिवे, शोभेची फुलं, टेंट आणि चारही बाजूंना आकर्षक लाइटिंग असा सगळा सेटअप करण्यात आला आहे. विशेष म्हणजे, या ठिकाणी ‘वेलकम टू समर कॅफे’ अशी खास पाटीही लावण्यात आली आहे.

समरने केलेली ही सुंदर तयारी पाहून स्वानंदी भारावून जाते. यावेळी ती पहिल्यांदाच एका वेगळ्या आणि मॉडर्न लूकमध्ये समरसमोर एन्ट्री घेते. गुलाबी रंगाचा लाँग वनपीस परिधान केलेली स्वानंदी या लूकमध्ये खूपच सुंदर दिसत आहे.

See more

स्वानंदी झाली भावुक; समरसमोर व्यक्त केल्या मनातील भावना

समरने तिच्यासाठी केलेलं हे खास सरप्राईज पाहून स्वानंदी भावुक होते. समरच्या प्लॅनिंगचं कौतुक करत ती म्हणते, “My God… तुम्ही किती छान प्लॅनिंग केलं आहे, हे किती गोड सरप्राइज आहे.”

यानंतर स्वानंदी आपल्या मनातील भावना समरसमोर व्यक्त करते. “अशी स्वप्न पाहण्याचीसुद्धा मी हिंमत केली नव्हती. पण, बघा तुम्ही माझ्या आयुष्यात आलात आणि सगळं काही बदलून गेलं. माझं आयुष्य, माझं नशीब सगळं काही तुम्ही बदलून टाकलंत,” असं ती म्हणते. हे बोलताना तिचे डोळे पाणावतात.

यानंतर समरकडे पाहत ती आपल्या प्रेमाची कबुली देते. “माझं खरंच तुमच्यावर खूप प्रेम आहे,” असं स्वानंदी म्हणते. तिच्या या भावुक क्षणामुळे प्रोमो आणखी खास झाला आहे.

Nayanthara Viral Photo: तिरुपती मंदिरात नयनताराने केलं मुंडन? व्हायरल फोटोमागील सत्य काय?

नेटकऱ्यांकडून कमेंट्सचा वर्षाव

समर आणि स्वानंदीच्या या सुंदर क्षणांनी चाहत्यांची मनं जिंकली आहेत. प्रोमो सोशल मीडियावर शेअर होताच नेटकऱ्यांनी त्यावर कमेंट्सचा वर्षाव केला.

“समर-स्वानंदी लव्ह यू”, “किती गोड प्रोमो आहे हा”, “आम्हाला पण समर कॅफेमध्ये यायचं आहे”, “किती सुंदर सरप्राईज प्लॅन केलंय”, “वॉव समर-स्वानंदी”, “यांची केमिस्ट्री खरंच भारीये” अशा प्रतिक्रिया चाहत्यांनी दिल्या आहेत.

समरने स्वानंदीसाठी केलेलं हे खास सरप्राईज आणि त्यानंतर स्वानंदीने व्यक्त केलेल्या प्रेमाच्या भावना पाहण्यासाठी आता प्रेक्षकांमध्येही उत्सुकता निर्माण झाली आहे.

Clean Up Company Trailer: तीन मित्रांनी सुरू केली ‘मृतदेह विल्हेवाट’ लावण्याची कंपनी! अमेय वाघच्या ‘क्लीन अप कंपनी’चा ट्रेलर रिलीज