( फोटो सौजन्य- सोशल मीडिया)
Mary Kom: ऑलिम्पिक पदक विजेती बॉक्सर मेरी कोम सध्या ‘बिग बॉस २०’मध्ये सहभागी झाली आहे. दरम्यान, तिच्या वैयक्तिक आयुष्याशी संबंधित एक महत्त्वाची बातमी समोर आली आहे. मेरी कोमने विविध टीव्ही कार्यक्रम आणि मुलाखतींमध्ये आपल्याबद्दल बदनामीकारक वक्तव्ये केल्याचा आरोप तिचे माजी पती ओन्लर ने केला आहे. या प्रकरणी ओन्लर ने भारतीय न्याय संहितेच्या कलम ३५६ अंतर्गत मेरी कोमविरोधात फौजदारी मानहानीची कारवाई सुरू केल्याचे समोर आले आहे.
मेरी कोम आणि ओन्लर यांचे नाते गेल्या काही काळापासून चर्चेत आहे. आता या वादाला कायदेशीर वळण मिळाले आहे. मिळालेल्या माहितीनुसार, विविध टीव्ही कार्यक्रम आणि मुलाखतींमध्ये मेरीने केलेल्या कथित वक्तव्यांवर आक्षेप घेत ओन्लर यांनी ही कायदेशीर कारवाई केली आहे.
‘हिंदुस्तान टाइम्स’च्या वृत्तानुसार, मेरीने एका टीव्ही शोमध्ये आणि त्यानंतर इतर माध्यमांमध्ये ओन्लरच्याविरोधात कथित अपमानजनक टिप्पणी केल्यानंतर तो कायदेशीर कारवाईचा विचार करत होते.
ओन्लर ने या प्रकरणाचा पाठपुरावा करत असल्याचे मान्य केले आहे. मात्र, प्रकरण न्यायालयात असल्याने याबाबत अधिक भाष्य करण्यास त्यांनी नकार दिला. तो म्हणाला, “माझी बाजू भक्कम आहे. माझा भारतीय न्यायव्यवस्थेवर विश्वास आहे. हे प्रकरण सध्या न्यायालयात आहे, त्यामुळे मी त्यावर अधिक भाष्य करणार नाही.”
या प्रकरणाची पुढील सुनावणी १९ नोव्हेंबर रोजी होणार असल्याचे सांगितले जात आहे.
मेरी कोमने ओन्लरवर केले होते आर्थिक आरोप
मेरी कोमने यापूर्वी ‘आप की अदालत’ या कार्यक्रमात ओन्लर याच्यावर आर्थिक गैरव्यवहाराचे आरोप केले होते. ओन्लर ने तिच्या बॉक्सिंग कारकिर्दीतून कमावलेल्या कोट्यवधी रुपयांची फसवणूक केल्याचा दावा मेरीने केला होता.
तसेच, तिच्या नावावर कर्ज घेण्यात आले, तिची मालमत्ता गहाण ठेवण्यात आली आणि तिच्या संमतीशिवाय काही संपत्ती ओन्लर यांच्या नावावर हस्तांतरित करण्यात आल्याचा आरोपही तिने केला होता. ओन्लर यांनी हे आरोप वारंवार फेटाळले आहेत. त्यांनी मेरीला हे आरोप सिद्ध करण्याचे आव्हानही दिले आहे.
नाना पाटेकरांची शेवटची इच्छा काय होती? आज पुण्यातील डोणजे येथे शासकीय इतमामात अखेरचा निरोप
मेरी कोम आणि ओन्लर यांची प्रेमकहाणी २००० मध्ये दिल्लीत सुरू झाली. दिल्ली विद्यापीठाच्या विधी शाखेत शिक्षण घेत असलेल्या ओन्लर यांनी एका स्पर्धेसाठी जाताना मेरीचे सामान हरवल्यानंतर तिला मदत केली होती. यानंतर दोघांमध्ये मैत्री झाली आणि पुढे त्याचे प्रेमात रूपांतर झाले.
२००५ मध्ये दोघांनी लग्न केले. २००७ मध्ये त्यांना जुळे मुलगे झाले, तर २०१३ मध्ये आणखी एका मुलाचा जन्म झाला. २०१८ मध्ये त्यांनी एका मुलीला दत्तक घेतले.
मेरीच्या बॉक्सिंग कारकिर्दीला पाठिंबा देण्यासाठी आणि मुलांची जबाबदारी सांभाळण्यासाठी ओन्लर यांनी काही काळ आपल्या कारकिर्दीला विराम दिला होता. मेरी कोमच्या नावावर सहा विश्वविजेतेपदं आणि एक ऑलिम्पिक कांस्यपदक आहे.
दरम्यान, दोघांच्या विभक्त होण्याच्या चर्चांनंतर मेरीने २०२३ मध्ये पारंपरिक रूढी कायद्यानुसार दोघांचा घटस्फोट झाल्याचे स्पष्ट केले होते.
.png "Videos"){kind=small}
