शनिवार, 24 ऑक्टोबर 2026
( फोटो सौजन्य- सोशल मिडिया)
Mirzapur The Movie: एक्सेल एंटरटेनमेंट आणि अमेझॉन MGM स्टुडिओज प्रस्तुत ‘मिर्झापूर: द मूव्ही’ हा सध्या बहुप्रतीक्षित चित्रपटांपैकी एक आहे. ‘मिर्झापूर’ या लोकप्रिय ओटीटी फ्रँचायझीचा मोठ्या पडद्यावरील हा पहिलाच प्रवास असल्याने चाहत्यांमध्ये चित्रपटाबद्दल मोठी उत्सुकता आहे. दमदार टीझर आणि ट्रेलरनंतर आता चित्रपटाच्या प्रदर्शनाची तारीखही जवळ आली आहे.
याच पार्श्वभूमीवर अभिनेता अली फजल आणि दिव्येंदु शर्मा यांनी चित्रपटातील कलाकार, त्यांचे कुटुंबीय आणि जवळच्या मित्रांसाठी खास डिनरचे आयोजन केले आहे. सूत्रांच्या माहितीनुसार, हे खासगी गेट-टुगेदर वांद्रे येथे आयोजित करण्यात येणार असून, दोन्ही कलाकार आपल्या जवळच्या मंडळींसोबत निवांत वेळ घालवणार आहेत.
या खास मेजवानीत कलाकार पारंपरिक पोशाखात सहभागी होणार असल्याचे समजते. त्यामुळे ‘मिर्झापूर’च्या कलाकारांचा ऑफ-स्क्रीन पारंपरिक अंदाज पाहण्याची उत्सुकता चाहत्यांमध्ये निर्माण झाली आहे. रिलीजपूर्वी कलाकार आणि त्यांच्या कुटुंबीयांसोबतचा हा खास गेट-टुगेदर चित्रपटाच्या वातावरणात आणखी रंग भरणारा ठरणार आहे.
निरागस हास्याने खुलली राखीपौर्णिमा; विशेष मुलांसोबत ‘सन मराठी’च्या कलाकारांनी साजरा केला प्रेमाचा सण
‘मिर्झापूर: द मूव्ही’चे दिग्दर्शन गुरमीत सिंह यांनी केले आहे. चित्रपटाची कथा पुनीत कृष्णा यांनी लिहिली आहे. रितेश सिधवानी आणि फरहान अख्तर यांनी एक्सेल एंटरटेनमेंटच्या बॅनरखाली चित्रपटाची निर्मिती केली असून, कासिम जगमगिया आणि विशाल रामचंदानी हे सहनिर्माते आहेत.
‘मिर्झापूर’च्या लोकप्रिय पात्रांना आणि त्यांच्या जगाला मोठ्या पडद्यावर पाहण्यासाठी चाहते आतुर आहेत. ‘मिर्झापूर: द मूव्ही’ ४ सप्टेंबर २०२६ रोजी चित्रपटगृहांमध्ये प्रदर्शित होणार आहे.
A. R. Rahman: शेखर कपूर यांच्या मासूम: द नेक्स्ट जनरेशनसाठी ३ गाणी केली ए. आर. रहमानने रेकॉर्ड
