शुक्रवार, 23 ऑक्टोबर 2026
'मॅडी आणि रीना' पुन्हा दिसणार मोठ्या पडद्यावर? ( सौजन्य - सोशल मीडिया )
2001 मध्ये प्रदर्शित झालेल्या रहना है तेरे दिल में या लोकप्रिय रोमँटिक चित्रपट लोकांनी डोक्यावर घेतला. त्यातील गाण्यांचा क्रेझ असलेला वेगळा असा चाहतावर्ग आहे. हा चित्रपट आता पुन्हा एकदा प्रेक्षकांसमोर येतो का ? तर हो पुन्हा एकदा प्रेक्षकांसमोर आणण्याची तयारी जॅकी भगनानी करत आहेत.
सूत्रांनुसार, कक्कर यांच्या संभाव्य सहभागाबाबत निर्माते आणि त्यांच्यात चर्चा सुरू आहे. हे चित्रपट निर्माते ‘फिल्मस्तान’ , ‘मित्रों’ आणि ‘जवानी जानेमन’ यांसारख्या चित्रपटांच्या दिग्दर्शनासाठी ओळखले जातात . ते आगामी ‘अवारपन २’ या चित्रपटाशीही जोडले गेले आहेत . पण, भगनानी यांच्यासोबतच्या त्यांच्या कथित चर्चेचे स्वरूप अस्पष्ट आहे आणि त्यांच्या नियुक्तीची पुष्टी करणारी कोणतीही अधिकृत घोषणा झालेली नाही.
मात्र, हा चित्रपट मूळ चित्रपटाचा सिक्वेल असणार की त्याची कथा पूर्णपणे वेगळी असणार, याबाबत अद्याप काहीही स्पष्टता नाही. सध्या या प्रोजेक्टबाबत केवळ चर्चा सुरू आहेत. अजून कोणत्याही स्वरुपाची निर्मात्यांकडून कोणतीही अधिकृत घोषणा करण्यात आलेली नाही.
गौतम वासुदेव मेनन दिग्दर्शित ‘ रहना है तेरे दिल में’ या चित्रपटाने आर. माधवन आणि दिया मिर्झा यांना हिंदी चित्रपटसृष्टीत आणले, तर सैफ अली खानने यात एक महत्त्वपूर्ण भूमिका साकारली होती. हा चित्रपट ‘मॅडी’ नावाने प्रसिद्ध असलेले माधव शास्त्री, रीना मल्होत्रा आणि ‘सॅम’ नावाने ओळखले जाणारे राजीव समरा यांच्यातील गुंतागुंतीच्या प्रेमसंबंधांभोवती फिरत होता.
जरी चित्रपटाला त्याच्या सुरुवातीच्या प्रदर्शनानंतर लगेचच मोठे यश मिळाले नाही, तरी कालांतराने हळूहळू त्याचा एक निष्ठावान चाहतावर्ग निर्माण झाला. त्यातील भावनिक संघर्ष, संवाद आणि हॅरिस जयराज यांनी संगीतबद्ध केलेल्या संगीताने प्रेक्षकांमध्ये त्याची लोकप्रियता टिकवून ठेवण्यास हातभार लावला.
