(फोटो सौजन्य- सोशल मिडिया)
Puja Banerjee Baby: ‘देवों के देव… महादेव’ फेम अभिनेत्री पूजा बॅनर्जी आणि तिचा पती कुणाल वर्मा यांच्या घरी आनंदाचं आगमन झालं आहे. दोघेही दुसऱ्यांदा आई-बाबा झाले असून त्यांच्या घरी चिमुकल्या मुलीचा जन्म झाला आहे. या आनंदाची बातमी त्यांनी सोशल मीडियाच्या माध्यमातून चाहत्यांसोबत शेअर केली आहे.
पूजाने इन्स्टाग्रामवर एक छोटासा व्हिडिओ शेअर करत आपल्या नवजात मुलीची पहिली झलक चाहत्यांना दाखवली. ‘माझ्या मुलीची पहिली झलक’ असं कॅप्शन देत तिने हा खास क्षण शेअर केला. मात्र, मुलीचा चेहरा किंवा तिच्याबद्दलची अधिक माहिती अभिनेत्रीने सार्वजनिक केलेली नाही. कुटुंबाचा हा खास क्षण तिने खासगी ठेवण्याचा प्रयत्न केला आहे.
पूजा आणि कुणाल यांनी त्यांच्या यूट्यूब चॅनलवरही एक व्हिडिओ शेअर केला आहे. या व्हिडिओमध्ये मुलीच्या जन्माशी संबंधित काही खास क्षण पाहायला मिळतात. नर्सने मुलीच्या जन्माची माहिती दिल्यानंतर कुटुंबीयांचा आनंद गगनात मावत नसल्याचं दिसत आहे.
या व्हिडिओमध्ये पूजाचा मोठा मुलगा आपल्या लहान बहिणीला पहिल्यांदा भेटतानाही दिसतो. मुलीच्या जन्माची घोषणा होताच या सेलिब्रिटी जोडप्याच्या मित्रांनी आणि चाहत्यांनी सोशल मीडियावर शुभेच्छांचा वर्षाव केला.
पूजा आणि कुणाल यांनी एप्रिल २०२६ मध्ये यूट्यूब व्हिडिओद्वारे पूजाच्या दुसऱ्या प्रेग्नन्सीची घोषणा केली होती. या व्हिडिओमध्ये अभिनेत्रीने आपल्या दुसऱ्या गर्भधारणेबद्दलचा आनंद व्यक्त केला होता. तिने प्रेग्नन्सी टेस्टचा रिझल्ट समजल्यानंतरचा खास क्षणही चाहत्यांसोबत शेअर केला होता.
पूजाने गंमतीने ‘गर्भधारणेच्या समस्या आणि त्यांचे उपाय’ असं कॅप्शन देत हा व्हिडिओ पोस्ट केला होता. या पोस्टवर चाहत्यांनी कमेंट्स आणि हार्ट इमोजींचा वर्षाव केला होता.
पूजा आणि कुणाल यांनी ऑक्टोबर २०२० मध्ये पहिल्या मुलाचं स्वागत केलं होतं. आता त्यांच्या कुटुंबात आणखी एका सदस्याची भर पडली आहे. दुसऱ्यांदा पालक होण्याचा अनुभवही या दोघांनी आपल्या व्हिडिओंच्या माध्यमातून चाहत्यांसोबत शेअर केला आहे.
टीव्ही मालिकांमध्ये केलंय काम
पूजा बॅनर्जीने ‘देवों के देव… महादेव’ आणि ‘कॉमेडी नाईट्स बचाओ’ यांसारख्या लोकप्रिय टीव्ही शोमध्ये काम केलं आहे. तर कुणाल वर्माने ‘तुझ संग प्रीत लगाई सजना’, ‘हवन’, ‘देवों के देव… महादेव’ आणि ‘दिल से दिल तक’ यांसारख्या मालिकांमध्ये भूमिका साकारल्या आहेत. लाइफ पार्टनर होण्यापूर्वी या दोघांनी व्यावसायिक आयुष्यातही एकत्र काम केलं आहे.
.png "Videos"){kind=small}
