Ramayana Movie New Poster : रणबीर कपूरच्या ‘राम’ रूपाची नवी झलक! अरुण गोविल साकारणार राजा दशरथ, ‘रामायणम्’चे पोस्टर्स चर्चेत

Ramayana Movie New Poster : ‘रामायणम्’चे नवे पोस्टर्स प्रदर्शित! अरुण गोविल राजा दशरथ, तर रणबीर कपूर भगवान रामाच्या भूमिकेत दिसणार. पिता-पुत्राच्या भावनिक नात्याची खास झलक पाहा.

• ‘रामायणम्’चे नवे पोस्टर्स प्रदर्शित
• राजा दशरथ आणि भगवान रामाच्या नात्याची भावनिक झलक
• ‘रामायणम्’मध्ये कोणते कलाकार साकारणार महत्त्वाच्या भूमिका?

Ramayana Movie New Poster : बहुप्रतीक्षित ‘रामायणम्’ चित्रपटाची प्रेक्षकांमधील उत्सुकता दिवसेंदिवस वाढत आहे. चित्रपटाच्या निर्मात्यांनी आता राजा दशरथाच्या भूमिकेतील अरुण गोविल आणि भगवान रामाच्या भूमिकेतील रणबीर कपूर यांची नवी पोस्टर्स प्रदर्शित केली आहेत. या पोस्टर्समधून राम आणि दशरथ यांच्यातील भावनिक नात्याची हृदयस्पर्शी झलक पाहायला मिळत आहे.

नमित मल्होत्रा यांच्या निर्मितीतील या भव्य चित्रपटातून महाकाव्याच्या विश्वाची आणि त्यातील महत्त्वाच्या व्यक्तिरेखांची ओळख टप्प्याटप्प्याने करून दिली जात आहे. यापूर्वी अभिनेत्री लारा दत्ता यांच्या राणी कैकेयी आणि शीबा चड्ढा यांच्या मंथरा या व्यक्तिरेखांची पोस्टर्स प्रदर्शित करण्यात आली होती. आता राजा दशरथ आणि भगवान राम यांच्या पोस्टर्समुळे प्रेक्षकांची उत्सुकता आणखी वाढली आहे.

वचन आणि कर्तव्याच्या बंधनात अडकलेले पिता-पुत्र!

निर्मात्यांनी प्रदर्शित केलेल्या पहिल्या पोस्टरमध्ये राजा दशरथ रामाला आशीर्वाद देताना दिसत आहेत. राम त्यांच्या समोर गुडघे टेकून बसले आहेत. पिता-पुत्रामधील जिव्हाळा आणि प्रेम दाखवणारा हा क्षण त्यांच्या आयुष्यातील महत्त्वाच्या घडामोडींची आठवण करून देतो. या प्रसंगातून नात्यातील आपुलकीसोबतच वचन आणि कर्तव्याचे महत्त्वही अधोरेखित होते.

दुसऱ्या पोस्टरमध्ये भगवान राम नदीच्या पाण्यात उभे राहून अस्थी विसर्जनाचा विधी पार पाडताना दिसत आहेत. हिरव्यागार निसर्गाच्या पार्श्वभूमीवर साकारलेला हा प्रसंग अत्यंत गंभीर आणि भावनिक आहे. रामाच्या आयुष्यातील वेदनादायी क्षणाची झलक या पोस्टरमधून पाहायला मिळते.

ही पोस्टर्स सोशल मीडियावर शेअर करताना निर्मात्यांनी भावनिक कॅप्शनही दिले आहे. “वचनाने बांधलेला पिता. कर्तव्याने बांधलेला पुत्र. या निरोपाचा क्षणच त्यांची शेवटची भेट ठरेल, याची दोघांनाही कल्पना नव्हती,” अशा शब्दांत त्यांनी या नात्याचे महत्त्व अधोरेखित केले आहे.

‘रामायणम्’मध्ये कोणते कलाकार साकारणार महत्त्वाच्या भूमिका?

नितेश तिवारी यांच्या दिग्दर्शनाखाली तयार होत असलेल्या ‘रामायणम्’मध्ये रणबीर कपूर भगवान राम, साई पल्लवी सीता, यश रावण, सनी देओल हनुमान, रवि दुबे लक्ष्मण आणि अरुण गोविल राजा दशरथ यांच्या भूमिकेत दिसणार आहेत. या कलाकारांच्या व्यक्तिरेखांमुळे चित्रपटाबद्दलची प्रेक्षकांची उत्सुकता वाढत आहे.

या चित्रपटाची निर्मिती नमित मल्होत्रा यांच्या प्राइम फोकस स्टुडिओजने DNEG आणि यश यांच्या मॉन्स्टर माइंड क्रिएशन्स यांच्या सहकार्याने केली आहे. भव्य दृश्यांची निर्मिती आणि महाकाव्याचे मोठ्या पडद्यावरील सादरीकरण हे या चित्रपटाचे प्रमुख आकर्षण ठरणार आहे.

Actor Imran Khan Arrested: इम्रान खानच्या अटकेनंतर सोशल मीडियावर पोस्ट व्हायरल; कमेंट करत ‘या’ मराठी अभिनेत्याने दर्शवला पाठिंबा

दोन भागांत होणार ‘रामायणम्’ प्रदर्शित

‘रामायणम्’ हा चित्रपट दोन भागांत प्रदर्शित होणार आहे. चित्रपटाचा पहिला भाग दिवाळी २०२६ मध्ये, तर दुसरा भाग दिवाळी २०२७ मध्ये जगभरातील प्रेक्षकांच्या भेटीला येणार आहे. हिंदी, तमिळ, तेलुगू, कन्नड आणि मल्याळम या पाच भाषांमध्ये हा चित्रपट प्रदर्शित होणार आहे.

भारताबाहेरील वितरणाची जबाबदारी सोनी पिक्चर्सकडे असून, हिंदी भाषिक बाजारपेठेत धर्मा प्रॉडक्शन्स वितरक म्हणून काम करणार आहे. हा भव्य चित्रपट जगभरातील IMAX चित्रपटगृहांमध्येही प्रदर्शित होणार आहे. त्यामुळे भारतीय महाकाव्याचा भव्य अनुभव मोठ्या पडद्यावर घेण्यासाठी प्रेक्षकांना आता प्रतीक्षा करावी लागणार आहे.

Exclusive: ‘वाईट प्रवृत्ती कितीही शक्तिशाली असली तरी…’, सुनील गोडसे साकारणार स्वामींच्या भूमिकेत जागर शक्तीचा