Salman Khan Katrina Kaif: कतरिनाच्या ट्रोलिंगवर सलमान खानचा संताप; कॅमेऱ्यासमोरच व्यक्त केला राग

Salman Khan Katrina Kaif: ‘बिग बॉस 20’मध्ये सलमान खानने कतरिना कैफच्या ट्रोलिंगवर भाष्य करत ट्रोलर्सना सुनावलं. ‘आपली परवरिश दाखवताय’ म्हणत सलमानने फटकारलं.

Salman Khan Katrina Kaif:  सोशल मीडियावर सेलिब्रिटींना त्यांच्या लूकपासून वजनापर्यंत अनेक कारणांवरून ट्रोल केलं जातं. मात्र, अनेकदा ट्रोलर्स परिस्थितीचा विचार न करता कलाकारांच्या खासगी आयुष्यावरही भाष्य करतात. आता ‘बिग बॉस 20’च्या ‘वीकेंड का वार’मध्ये सलमान खानने अशाच ट्रोलर्सना चांगलंच सुनावलं आहे. विशेष म्हणजे, यावेळी त्याने अभिनेत्री कतरिना कैफच्या ट्रोलिंगचा मुद्दाही उपस्थित केला.

कतरिनाच्या ट्रोलिंगवर सलमान खानचा संताप

मुंबईतील अंबानी कुटुंबाच्या गणपती उत्सवात सहभागी झाल्यानंतर कतरिना कैफला सोशल मीडियावर ट्रोलिंगचा सामना करावा लागला. तिच्या वजनावर आणि लूकवर काही सोशल मीडिया युजर्सनी कमेंट केल्या. कतरिनाच्या समर्थनार्थ अनेक जण पुढे आले होते. आता सलमान खाननेही तिच्या ट्रोलिंगवर भाष्य करत ट्रोलर्सना सुनावलं.

सलमानने नुकत्याच आई झालेल्या अभिनेत्रीच्या वजनावर आणि लूकवर कमेंट करण्यावर प्रश्न उपस्थित केला. त्याने सांगितलं की, गर्भधारणेनंतर वजन वाढणं ही सामान्य गोष्ट आहे. अभिनेत्री जेव्हा कामावर परतेल, तेव्हा ती पुन्हा फिट होईल; तोपर्यंत तिला आपल्या कुटुंबासोबत वेळ घालवू द्यावा, असं सलमान म्हणाला.

‘बिग बॉस 20’च्या एका टास्कदरम्यान युट्यूबर ScoutOPने अरिश्फा खानविरोधात केलेल्या टिप्पणीचा संदर्भ देत सलमानने सोशल मीडिया ट्रोलिंगवर भाष्य केलं. लोक इतरांना कमी लेखून सोशल मीडियातून पैसे कमावतात, असं तो म्हणाला.

सेलिब्रिटींचं शरीर, वजन, लूक, कुटुंब, करिअरमधील अपयश किंवा मातृत्व यांसारख्या वैयक्तिक गोष्टींवरून ट्रोल करणाऱ्यांना सलमानने सुनावलं. ‘आपले संस्कार दाखवताय’, अशा शब्दांत त्याने ट्रोलर्सवर निशाणा साधला.

Dashmi Marathi Movie: ‘दशमी’ उलगडणार बाप-लेकीच्या नात्याचा हळवा बंध; मकरंद अनासपुरे-गौरी इंगवले साकारणार खास भूमिका

फेक अकाउंटवरून ट्रोल करणाऱ्यांनाही सुनावलं

ओळख लपवून सोशल मीडियावर इतरांना ट्रोल करणाऱ्यांवरही सलमानने भाष्य केलं. स्वतःच्या दिसण्याबद्दल नाराज असलेले लोक इतरांच्या चेहऱ्यावर आणि वजनावर कमेंट करण्यासाठी पुढे येतात, असा टोला त्याने लगावला.

स्वतःला होणाऱ्या ट्रोलिंगबद्दल बोलताना सलमानने वय आणि करिअरमधील अपयशावरून होणाऱ्या कमेंट्सचाही उल्लेख केला. ‘बूढा हो गया, बेशक 60 साल का हो गया. आप हर समय ‘मैंने प्यार किया’ वाले लुक में नहीं रह सकते,’ असं तो म्हणाला.

सेलिब्रिटींना टार्गेट करण्यासाठी पैसे दिले जातात?

सलमानने सोशल मीडिया ट्रोलिंगमागील कथित कारणांवरही प्रश्न उपस्थित केला. काही प्रोड्यूसर्स किंवा कलाकार पैसे देऊन सोशल मीडियावर दुसऱ्या सेलिब्रिटीला टार्गेट करवून घेतात, असा आरोपही त्याने केला. त्यामुळे ‘बिग बॉस 20’च्या आगामी एपिसोडमध्ये या मुद्द्यावर आणखी काय चर्चा होते, याकडे प्रेक्षकांचं लक्ष लागलं आहे.

Sayani Gupta: सयानी गुप्ताची विजयी घोडदौड! दोन दिवसांत दोन पुरस्कार; अभिनयासह दिग्दर्शनातही ठसा उमटवला