The Paradise: ‘द पॅराडाईज’च्या प्री-रिलीज सोहळ्यासाठी स्टारकास्ट मुंबईत दाखल; नानी, राघव जुयालसह ‘हे’ कलाकार लावणार हजेरी

The Paradise: ‘द पॅराडाईज’च्या भव्य प्री-रिलीज प्रमोशनल इव्हेंटमध्ये नानी, राघव जुयाल, सोनाली कुलकर्णी आणि कायडू लोहार सहभागी होणार आहेत. या सर्व कलाकारांची एकत्रित उपस्थिती चित्रपटाच्या रिलीजपूर्वीचा उत्साह आणखी वाढवणार आहे.

The Paradise: ‘नॅचरल स्टार’ नानी स्टारर ‘द पॅराडाईज’ या बहुप्रतीक्षित चित्रपटाची रिलीजपूर्वीच जोरदार चर्चा सुरू आहे. चित्रपटाचा टीझर आणि ‘आया शेर’, ‘येशानागुला’ यांसारख्या गाण्यांना मिळालेला दमदार प्रतिसाद पाहता प्रेक्षकांमध्ये सिनेमाबद्दलची उत्सुकता वाढली आहे. आता चित्रपटाच्या प्री-रिलीज प्रमोशनल इव्हेंटसाठी स्टारकास्ट मुंबईत दाखल झाली आहे.

मुंबईत रंगणार ‘द पॅराडाईज’चा प्री-रिलीज सोहळा

‘द पॅराडाईज’च्या भव्य प्री-रिलीज प्रमोशनल इव्हेंटमध्ये नानी, राघव जुयाल, सोनाली कुलकर्णी आणि कायडू लोहार सहभागी होणार आहेत. या सर्व कलाकारांची एकत्रित उपस्थिती चित्रपटाच्या रिलीजपूर्वीचा उत्साह आणखी वाढवणार आहे.

या चित्रपटाचे दिग्दर्शन श्रीकांत ओडेला यांनी केले आहे. यापूर्वी नानी आणि श्रीकांत ओडेला या जोडीने ‘दसरा’सारखा गाजलेला चित्रपट दिला आहे. त्यामुळे या जोडीच्या आगामी चित्रपटाकडेही प्रेक्षकांचे लक्ष लागले आहे.

नानीचा इंटेन्स अवतार चर्चेत

‘द पॅराडाईज’च्या टीझरमध्ये नानी यांचा वेगळाच आणि दमदार अंदाज पाहायला मिळतो. झोपडपट्टीच्या पार्श्वभूमीवर आधारित या चित्रपटात नानी यांनी जदल ही व्यक्तिरेखा साकारली आहे. तो एका वेश्येचा मुलगा असल्याचे कथेत दाखवण्यात आले आहे.

चित्रपटात रॉ इंटेन्सिटी, मास एनर्जी आणि हाय-ऑक्टेन अॅक्शन पाहायला मिळणार असल्याचे टीझरमधून दिसत आहे. दुसरीकडे, राघव जुयाल खलनायकाच्या भूमिकेत दिसणार असून त्यांची व्यक्तिरेखाही प्रेक्षकांचे लक्ष वेधून घेत आहे.

Salman Khan: तमन्ना भाटियाचा आवाज ऐकून सलमान खान भारावला; ‘बिग बॉस २०’मध्ये केलं भरभरून कौतुक

‘आया शेर’ आणि ‘येशानागुला’ला जबरदस्त प्रतिसाद

‘द पॅराडाईज’च्या गाण्यांनाही सोशल मीडियावर चांगला प्रतिसाद मिळत आहे. चित्रपटातील ‘आया शेर’ या गाण्याने यूट्यूबवर २०० मिलियनहून अधिक व्ह्यूज आणि १.८ मिलियनहून अधिक लाइक्स मिळवल्याची माहिती देण्यात आली आहे. तसेच या गाण्यावर सोशल मीडियावर मोठ्या प्रमाणात रील्सही तयार करण्यात आल्या आहेत.

दुसरीकडे, ‘येशानागुला’ या गाण्यानेही यूट्यूबवर ११९ मिलियनहून अधिक व्ह्यूज आणि ७००K लाइक्सचा टप्पा पार केला आहे. या दोन्ही गाण्यांना मिळालेल्या प्रतिसादामुळे चित्रपटाच्या संगीताचीही चर्चा होत आहे.

२४ सप्टेंबरला चित्रपटगृहात होणार रिलीज

SLV सिनेमाजच्या निर्मितीखाली तयार झालेला ‘द पॅराडाईज’ २४ सप्टेंबर २०२६ रोजी प्रदर्शित होणार आहे. हिंदी, तेलुगू, तमिळ, इंग्रजी, स्पॅनिश, बंगाली, कन्नड आणि मल्याळम अशा आठ भाषांमध्ये हा चित्रपट प्रेक्षकांच्या भेटीला येणार आहे.

चित्रपटाच्या जागतिक स्तरावरील प्रदर्शनासाठी निर्मात्यांनी हॉलिवूड स्टार रायन रेनॉल्ड्स यांच्याशी संपर्क साधल्याची माहितीही समोर आली आहे. दमदार स्टारकास्ट, श्रीकांत ओडेला यांचे दिग्दर्शन आणि नानी यांचा वेगळा अवतार यामुळे ‘द पॅराडाईज’च्या रिलीजकडे आता प्रेक्षकांचे लक्ष लागले आहे.

Kareena Kapoor Birthday: करीना कपूरच्या आयुष्यातील हे किस्से माहीत आहेत का? ‘सिद्धिमा’पासून ‘करीना’ नावापर्यंतची रंजक कहाणी