बुधवार, 7 ऑक्टोबर 2026
फोटो सौजन्य सोशल मिडिया
सुरुवातीला एका खासगी संघटनेने साईटफर्स्टकॅम्पेन या माध्यमातून ८ ऑक्टोबर १९९८ रोजी पहिल्यांदा जागतिक दृष्टी दिन साजरा करण्यात आला. त्यानंतर जागतिक आरोग्य संघटना आणि इंटरनॅशनल एजन्सी फॉर प्रिव्हेन्शन ऑफ ब्लाईन्डनेस (आयएपीबी) यांच्या वतीनं ऑक्टोबर महिन्याच्या दुसऱ्या गुरुवारी हा दिवस साजरा करण्याचं ठरवलं, जगभरातील लोकांमध्ये दृष्टीबद्दल जागरुकता निर्माण करणे तसेच ज्याना अंधत्व आहे अशाना नवी दृष्टी देण्याचा प्रयत्न करणे असा उद्देश हा दिवस साजरा करण्यामागे आहे.
मोबाईल स्क्रीन मुळे मोतीबिंदूचा त्रास जाणवतो तर आपल्या वाढत्या वयानुसार डोळ्यांतील ज्या नैसर्गिक लेन्स आहेत त्या अस्पष् होतात. याचे प्रमाण भारतात जास्त प्रमाणात आहे.मधुमेह आणि उच्च रक्तदाबा मुळे डोळ्यातील पडदा खराब होतो; याला ‘डायबेटिक रेटिनोपॅथी’ असे म्हणतात. काही कुटुंबात आधी कोणाला चष्मा किंवा डोळ्यांचे आजार असतील तर; पुढच्या पिढीला याचा त्रास होतो.
आपल्या आहारात ‘व्हिटॅमिन ए’ आणि इतर आवश्यक पोषक घटकांची कमी असल्यास आपल्या डोळ्यांना त्रास जाणवतो. याच बरोबर वाढत्या वया बरोबर डोळ्यांची कार्यक्षमता नैसर्गिकरित्या कमी होते. याचा त्रास 40शीनंतर त्रास जास्त होतो.
आपण वारंवार मोबाईल फोन आणि टिव्हीचा वापर जास्त प्रमाणात करत असल्यास अंधत्व येत नसले तरी दीर्घकाळ स्क्रीनकडे पाहिल्यामुळे ‘डिजिटल आय स्ट्रेन’ किंवा ‘कॉम्प्युटर व्हिजन सिंड्रोम’ होतो. यामुळे आपले डोळे कोरडे पडणे किंवा पाणी येणे, डोळे लाल होणे आणि खाज सुटणे आणि अंधुक दिसणे किंवा डोकेदुखी होणे असे त्रास होतात.
‘नशा ही शरीर आणि समाजाला पोखरणारा…’; Mangal Prabhat Lodha यांचे पालकांना काय आवाहन?
