जयपूर : राजस्थानच्या कोटपुतली-बेहरोर जिल्ह्यात बलात्काराचा आरोपी आणि त्याच्या दोन साथीदारांनी 25 वर्षीय पीडितेवर गोळ्या झाडल्या आणि चाकूने तिच्यावर हल्ला करून तिला गंभीर जखमी केले. या हल्ल्यात पीडितेचा भाऊही जखमी झाला आहे. दोघांवर जयपूरच्या सवाई मानसिंग रुग्णालयात उपचार सुरू आहेत. तिन्ही आरोपींना अटक करण्यात आल्याचे पोलिसांनी सांगितले.
पोलिस महासंचालक यू.आर. साहू यांनी याबाबत सांगितले की, या प्रकरणातील मुख्य आरोपी राजेंद्र यादव याला सोमवारी जयपूरमध्ये ट्रेनने धडक दिल्याने त्याचा पाय गमवावा लागला. पोलिसांनी त्याला पकडले. याप्रकरणाची माहिती मिळाल्यानंतर क्रीडामंत्री राज्यवर्धन सिंह राठोड यांनी रुग्णालयात जाऊन पीडितेच्या प्रकृतीची विचारपूस केली.
पोलिसांची दिशाभूल करण्याचा आरोपीचा प्रयत्न
पोलिसांची दिशाभूल करण्यासाठी आरोपी यादवने दाढी आणि केस कापले होते. सोमवारी सकाळी जयपूरच्या मालवीयनगरमध्ये त्याला ट्रेनने धडक दिल्याने त्याचा उजवा पाय कापला गेला आणि त्याच्या डाव्या पायालाही दुखापत झाली. त्यानंतर आपत्कालीन सेवा-108 ने जखमी यादवला एसएमएस हॉस्पिटलमध्ये नेले. आरोपीने ट्रेनसमोर उडी मारली की त्याला धडक दिली याचा तपास सुरू आहे.
अशी घडली घडना…
पीडित तरुणी शनिवारी रात्री भावासोबत दुचाकीवरून घरी परतत असताना प्रागपुरा पोलिस ठाण्याजवळ तिच्यावर हल्ला करण्यात आला. पोलिसांनी दिलेल्या माहितीनुसार, यादव आणि त्याचे साथीदार महिपाल आणि राहुल यांनी त्यांचा पाठलाग करून भाऊ आणि बहिणीवर हल्ला केला. राजेंद्रने पीडितेच्या पाठीत गोळी झाडली आणि इतर आरोपींनीही त्याच्यावर हल्ला केला.
.png "Videos"){kind=small}
