जगात तंत्रज्ञानाचा व्याप्ती ज्या वेगाने विस्तारित आहे, त्याचा फायदाही लोकं आपआपल्या परीने घेत आहेत. या तंत्राज्ञानाचा वापर करून आज अनेक अवघड वाटणरी कित्येक कामं आपण सहज करतो. याचं तंत्रज्ञानाच्या मदतीनं 13 वर्षांच्या एका मुलीनं एका चिमुकलीचा जीव वाचवल्याचा प्रकार उघडकीस आला आहे. या मुलीनं प्रसंगावधान राखत अलेक्साच्या (Alexa) मदतीनं माकडांच्या होणाऱ्या हल्ल्यापासून (monkey attack) या मुलीनं न केवळ आपला तर चिमुकलीचा जीव वाचवल्यामुळे सगळीकडे तिचं कौतुक होत आहे.
[read_also content=”रामलल्लाला उकाड्यापासून वाचवण्यासाठी मंदिरात बसवले कुलर, दही हंगामी फळांचा प्रसाद अर्पण! https://www.navarashtra.com/india/cooler-installed-to-protect-ram-lalla-from-heat-rabri-and-curd-being-offer-nrps-521338.html”]
उत्तर प्रदेशच्या बस्ती येथे हाऊसिंग डेव्हलपमेंट कॉलनीत राहणारी 13 वर्षाची निकिता तिची १५ महिन्यांची भाची वामिका हिच्यासोबत घरात खेळत होती. दोघीही घराच्या पहिल्या मजल्यावर किचनजवळ खेळत होत्या. त्यावेळी या दोघींशिवाय घरी कोणीही नव्हते. तेवढ्यात माकडांच्या टोळक्याने घरात प्रवेश केला आणि स्वयंपाकघरात जाऊन भांडी आणि खाद्यपदार्थ उचलून फेकून दिले.
अचानक शेजारी माकडाने गोंधळ घातल्याचे पाहून दोन्ही मुली घाबरल्या. 15 महिन्यांची वामिका घाबरून रडू लागली. माकडांचा समूह त्याच्यावर हल्ला करणारच होता तेव्हा निकिताने क्षणाचाही विलंब न करता फ्रीजमध्ये ठेवलेल्या अलेक्साचा उपयोग करत माडकांना पिटाळून लावलं.
माकडं आलेली पाहताच निकीताने अलेक्साला (डिव्हाइस) कुत्र्याचा आवाज काढण्यास सांगितले. अलेक्साला व्हॉईस कमांड मिळताच ती कुत्र्यासारखा जोरजोरात भुंकण्याचा आवाज करू लागली. माकडांचा भुंकण्याचा आवाज ऐकताच माकडांमध्ये घबराट पसरली आणि माकडे तिथून पळून गेली. या घटेनंतर निकीतीचं सर्वच स्तरातून कौतुक होत आहे. निकीतान हे सिद्ध केलं आहे की, तंत्रज्ञानाचा योग्य वापर केला तर आपण आपला जीवही वाचवू शकतो आणि आपल्या आणि समाजाच्या हितासाठी अनेक चांगल्या गोष्टी करू शकतो.
.png "Videos"){kind=small}
