डोभाल यांना यूएस कोर्टाची नोटीस
नवी दिल्ली : राष्ट्रीय सुरक्षा सल्लागार (एनएसए) अजित डोभाल आणि ‘रॉ’चे माजी प्रमुख सामंत गोयल यांना कायदेशीर समन्स बजावण्यासाठी अमेरिकेतील न्यायालयाने दिल्लीतील तीन जिल्हा न्यायालयांची मदत घेण्याचे आदेश दिले आहेत. खलिस्तानी फुटीरतावादी गुरपतवंतसिंग पन्नू याने दाखल केलेल्या खटल्यात हा नवा घटनाक्रम घडला आहे.
भारत-अमेरिका संबंध आणि आंतरराष्ट्रीय कायद्याच्या दृष्टीने या घडामोडीला महत्त्व आहे. न्यूयॉर्क येथील अमेरिकी जिल्हा न्यायालयाच्या न्यायाधीश कॅथरीन पोल्क फैला यांनी ९ नोव्हेंबर २०२६ रोजी हा आदेश दिला. न्यायालयाच्या लिपिकाला न्यायालयीन कागदपत्रे आंतरराष्ट्रीय टपाल किंवा कुरिअरद्वारे दिल्लीतील पटियाला हाऊस, द्वारका आणि तीस हजारी या तीन जिल्हा न्यायालयांकडे पाठवण्याची व्यवस्था करावी लागणार आहे.
दरम्यान, अमेरिकेत वास्तव्यास असलेल्या आणि प्रतिबंधित ‘सिख्स फॉर जस्टिस’ (एसएफजे) या संघटनेचा संस्थापक गुरपतवंतसिंग पन्नू याने हा खटला दाखल केला आहे. २०२३ मध्ये अमेरिकेच्या भूमीवर आपली हत्या करण्याचा कट रचण्यात आल्याचा त्याचा आरोप आहे.
या प्रकरणात त्याने भारत सरकार, अजित डोभाल, ‘रॉ’चे माजी प्रमुख सामंत गोयल, माजी ‘रॉ’ अधिकारी विक्रम यादव आणि भारतीय नागरिक निखिल गुप्ता यांना प्रतिवादी केले आहे. या कथित कटप्रकरणी त्याने अमेरिकी न्यायालयात दिवाणी खटला दाखल करून नुकसानभरपाईची मागणी केली आहे. मात्र, हे आरोप असून ते न्यायालयात सिद्ध झालेले नाहीत.
FAQ
1. अजित डोवाल यांना अमेरिकेतील न्यायालयाने नोटीस का बजावली आहे?
गुरपतवंतसिंग पन्नू याने दाखल केलेल्या दिवाणी खटल्यात अजित डोवाल यांना कायदेशीर समन्स बजावण्याची प्रक्रिया सुरू करण्यात आली आहे.
2. या प्रकरणात अजित डोवाल यांच्यासोबत आणखी कोणाचे नाव आहे?
‘रॉ’चे माजी प्रमुख सामंत गोयल यांनाही समन्स बजावण्याची प्रक्रिया सुरू आहे.
3. अमेरिकेतील कोणत्या न्यायालयाने हा आदेश दिला?
न्यूयॉर्कमधील अमेरिकेच्या दक्षिण जिल्हा न्यायालयाने हा आदेश दिला आहे.






